2015 యమహా ఆర్1, ఆర్1ఎమ్ మోటార్‌సైకిళ్ల ఆవిష్కరణ

తర్వాతి స్లైడ్‌లలో సరికొత్త 2015 యమహా ఆర్1 మోటార్‌సైకిళ్లకు సంబంధించిన మరిన్ని వివరాలను తెలుసుకోండి.

వాలెంటియో రోస్సి యొక్క నైపుణ్యాన్ని ఉపయోగించుకొని యమహా తమ కొత్త 2015 లీటర్ క్లాస్ మోటార్‌సైకిల్‌ను తయారు చేసింది. ఆర్1ఎమ్ మోడల్‌లో ఎమ్ బ్యాడ్జ్ ఓ లిమిటెడ్ ఎడిషన్ మోడల్, ఇదొక రేస్ స్పెసిఫిక్ బైక్.

కొత్త 2015 యమహా ఆర్1 బైక్‌లో ఇన్-లైన్ 4-సిలిండర్, 998సీసీ, 4-స్ట్రోక్ ఇంజన్‌ను ఉపయోగించారు. ఇందులో క్రాస్ ప్లేన్ క్రాంక్‌షాప్ట్, 2-డైరెక్షనల్ ఫ్యూయెల్ ఇంజెక్టర్, అసిస్టెంట్ స్లిప్పర్ క్లచ్, 10.5 లీటర్ ఎయిర్ బాక్స్ ఉంటాయి. ఈ ఇంజన్ గరిష్టంగా 200 హార్స్‌పవర్‌ల శక్తిని, 112 ఎన్ఎమ్‌ల టార్క్‌ను ఉత్పత్తి చేస్తుంది. ఈ ఇంజన్ 6-స్పీడ్ ట్రాన్సిమిషన్‌తో అనుసంధానం చేయబడి ఉంటుంది. దీని బరువు 199 కిలోలు.

కొత్త 2015 యమహా ఆర్1 బైక్ 6-యాక్సిస్ ఇనెర్షియల్ మెజర్‌మెంట్ యూనిట్ విత్ గైరో అండ్ ది సెన్సార్లతో లభిస్తుంది. అనేక గిజ్మోలు ఒక్ ప్యాకేజ్‌లో కలిగిన స్ట్రీట్ లీగల్ మోటార్‌సైకిల్ ఇదొక్కటే. ఇందులో ఇంకా ట్రాక్షన్ కంట్రోల్, స్లైడ్ కంట్రోల్, ఫ్రంట్ లిఫ్ట్ కంట్రోల్, క్విక్ షిఫ్టర్, లాంచ్ కంట్రోల్, ఏబిఎస్ వంటి ఫీచర్లున్నాయి.

ఈ కొత్త యమహా వైజెడ్ఎఫ్-ఆర్1 మోటార్‌సైకిల్‌కు సంబంధించి ధర, ఇతర వివరాలను కంపెనీ ఇంకా వెల్లడించలేదు. ఇది వచ్చే ఏడాది నుంచి కస్టమర్లకు అందుబాటులోకి రానుంది. ముందుగా యూరోపియన్ మార్కెట్స్ ఆ తర్వాత ఏషియన్ మార్కెట్లలో ఇది విడుదల కానుంది.