భారతదేశంలో బెస్ట్ ఎలక్ట్రిక్ స్కూటర్ల జాబితా ఇక్కడ ఉంది. ఈ అగ్రశ్రేణి ఎలక్ట్రిక్ స్కూటర్ల ధరలు, రేంజ్, ఛార్జింగ్ టైమ్, స్పెసిఫికేషన్లు, ఫీచర్స్ వంటి వాటిని ఇక్క తనిఖీ చేయండి.
எலெக்ட்ரிக் ஸ்கூட்டர் மார்க்கெட்டில் ஏத்தர் 450எக்ஸ் பெரும் வரவேற்பை பெற்ற மாடலாக இருந்து வருகிறது. ஸ்டைலானத் தோற்றம், நவீன தொழில்நுட்ப வசதிகளில் வாடிக்கையாளர்களை பெரிதும் கவர்ந்துவிட்டது. இந்த ஸ்கூட்டரில் 4ஜி இன்டர்நெட் வசதியுடன் கூடிய 7 அங்குல தொடுதிரையுடன் கூடிய இன்ஸ்ட்ரூமென்ட் க்ளஸ்ட்டர் பொருத்தப்பட்டு இருக்கிறது. புளூடூத் மூலமாக ஸ்மார்ட்ஃபோனை இணைத்துக் கொள்வதற்கான வாய்ப்பு, நேவிகேஷன் உள்ளிட்ட பல வசதிகளை பெற்றுள்ளது. இந்த எலெக்ட்ரிக் ஸ்கூட்டரில் 2.61kWh பேட்டரி பொருத்தப்ப்டடு இருக்கிறது. 3,300W மின் மோட்டார் பொருத்தப்ப்டடு இருக்கிறது. இந்த ஸ்கூட்டர் பூஜ்யத்திலிருந்து 40 கிமீ வேகத்தை 3.3 வினாடிகளில் எட்டிவிடும். அதிகபட்சமாக 80 கிமீ வேகம் வரை செல்லும். பேட்டரியை முழுமையாக சார்ஜ் செய்தால் 116 கிமீ தூரம் பயணிக்கும் வாய்ப்பை வழங்கும் என ஏத்தர் தெரிவிக்கிறது. இந்த ஸ்கூட்டரில் ரிவர்ஸ் பார்க்கிங் மோடு வசதியும் உள்ளது.
பஜாஜ் சேத்தக் எலெக்ட்ரிக் ஸ்கூட்டர் டிசைனில் மிகச் சிறப்பான மாடலாக வாடிக்கையாளர்களால் விரும்பப்படுகிறது. கடந்த 2019ம் ஆண்டு அறிமுகம் செய்யப்பட்ட பஜாஜ் சேத்தக் எலெக்ட்ரிக் ஸ்கூட்டர் பெங்களூர் மற்றும் புனே நகரங்களில் மட்டும் கேடிஎம் பைக் டீலர்கள் வாயிலாக விற்பனை செய்யப்படுகிறது. விரைவில் சென்னை உள்ளிட்ட நகரங்களிலும் விற்பனைக்கு வர இருக்கிரது. இந்த ஸ்கூட்டர் மெட்டல் பாடியுடன் பிளாஸ்டிக் பாடி பேனல்களுடன் மிக நேர்த்தியாக வடிவமைக்கப்பட்டு இருக்கிறது. இந்த ஸ்கூட்டரில் 3kWh பேட்டரி பேக் மற்றும் 3,800 BLDC மின் மோட்டார் பொருத்தப்பட்டு இருக்கிறது. ஒருமுறை சார்ஜ் செய்தால் 95 கிலோமீட்டர் தூரம் பயணிக்கும் வாய்ப்பை வழங்கும். விரைவு சார்ஜர் பயன்படுத்தினால் 60 நிமிடங்களில் பூஜ்யத்தில் இருந்து 25 சதவீதம் பேட்டரியில் சார்ஜ் ஏற்றிவிட முடியும்.
டிவிஎஸ் மோட்டார் நிறுவனத்தின் முதல் எலெக்ட்ரிக் ஸ்கூட்டர் மாடலாக ஐ-க்யூப் களமிறக்கப்ப்டடுள்ளது. இந்்த ஸ்கூட்டர் அடக்கமான வடிவமைப்புடன், சிறந்த தொழில்நுட்ப வசதிகளுடன் கிடைக்கிறது. இந்த ஸ்கூட்டரில் முழுமையான டிஎஃப்டி திரையுடன் இன்ஸ்ட்ரூமென்ட் க்ளஸ்ட்டர், எல்இடி ஹெட்லைட்டுகள், யுஎஸ்பி சார்ஜிங் போர்ட், நேவிகேஷன் அசிஸ்ட், குறிப்பிட்ட எல்லைக்கு அப்பால் செல்லாதவாறு கட்டுப்படுத்துவதற்கான ஜியோஃபென்சிங் வசதி, புளூடூத் மூலமாக ஸ்மார்ட்ஃபோனை இன்ஸ்ட்ரூமென்ட் க்ளஸ்ட்டரும் இணைக்கும் வசதிகள் உள்ளன. இந்த ஸ்கூட்டரில் 2.2kWh லித்தியம் அயான் பேட்டரியும், 4,400W மின் மோட்டார் பொருத்தப்பட்டு இருக்கிறது. மணிக்கு 78 கிமீ வேகம் வரை செல்லும். இந்த ஸ்கூட்டர் பூஜ்யத்திலிருந்து 40 கிமீ வேகத்தை எட்டுவதற்கு 4.2 வினாடிகள் எடுத்துக் கொள்ளும்.. பேட்டரியை முழுமையாக சார்ஜ் செய்தால் 75 கிமீ தூரம் வரை பயணிக்கும்.
Best Bikes in India