సెప్టెంబర్ నెలలో అదరగొట్టిన ఆడి అమ్మకాలు

Published: Friday, October 7, 2011, 11:29 [IST]

జర్మనీకు చెందిన ప్రముఖ లగ్జరీ కార్ల తయారీ సంస్థ ఆడి, భారత మార్కెట్లో శరవేగంగా దూసుకుపోతుంది. ప్రపంచ స్థాయి ఫీచర్లతో అత్యంత విలాసవంతమైన అనుభూతిని కల్పించేలా కంపెనీ అందిస్తున్న వివిధ మోడళ్లకు దేశీ విపణిలో డిమాండు ఊపందుకోవడంతో అమ్మకాల జోరు కూడా పెరిగింది. ప్రస్తుతం భారత లగ్జరీ కార్ మార్కెట్లో మూడవ స్థానంలో ఉన్న ఆడి ఇండియా గత సెప్టెంబర్ నెలలో 555 యూనిట్లను విక్రయించి 83.77 శాతం వృద్ధిని నమోదు చేసుకుంది.

గతేడాది ఇదే సమయంలో కంపెనీ అమ్మకాలు 302 యూనిట్లుగా ఉన్నట్లు ఆడి ఇండియా ఓ ప్రకటనలో పేర్కొంది. కాగా.. ఈ ఏడాది జనవరి-సెప్టెంబర్ మధ్య కాలానికి గానూ కంపెనీ మొత్తం అమ్మకాలు, గతేడాది ఇదే సమయంతో పోలిస్తే 93.30 శాతం వృద్ధిని సాధించి 4,210 యూనిట్లుగా నమోదయ్యాయి. గతేడాది ఇవి కేవలం 2,178 యూనిట్లుగా మాత్రమే ఉన్నాయి. అమ్మకాలను మరింత పెంచుకునేందుకు కంపెనీ టీవలే ఓ చౌక రకం ఏ6 సెడాన్‌ను విడుదల చేసిన సంగతి తెలిసిందే.

Article Published On: Friday, October 7, 2011, 11:26 [IST]

English summary

German luxury carmaker Audi India reported a 83.77 per cent jump in sales for September 2011, at 555 units. The company had sold 302 units in the corresponding month last year, Audi India said in a statement.

More from DriveSpark