Click it and Unblock the Notifications
పాల్-వి ఫ్లయింగ్ కార్ ప్రత్యేకతలు - పార్ట్ 3
స్టాండర్డ్ గౌరోకాప్టర్లా ఎగిరే పాల్-వి సాధారణ హెలికాఫ్టర్ కన్నా నెమ్మది రోటేషన్ను కలిగి ఉండి, దానిలా ఎక్కువ శబ్ధం చేయదు. అంతేకాకుండా, తక్కువ వేగంలోనే దీనిని టేకాఫ్ చేసేందుకు, ల్యాండింగ్ చేసేందుకు సహకరిస్తుంది. ఒకవేళ ఇంజన్ ఫెయిల్ అయినా ఈ రోటర్ ఆగిపోకుండా, ఆటోమేటిక్గా రొటేట్ అవుతుండటం వలన సురక్షితంగా ల్యాండ్ అయ్యేందుకు ఇది సహకరిస్తుందని కంపెనీ పేర్కొంది.
పాల్-వి 4 మీ. పొడవును 1.6 మీ. వెడల్పును, 1.6 మీ. ఎత్తును కలిగి ఉంటుంది. దీని బరువు 680 కిలోలు. ఇది గరిష్టంగా 230 కిలోల బరువును మోసుకెళ్లగలదు. అన్ని మేజర్ మార్కెట్లలోనూ , ఇటు రోడ్డుపై, అటు గాలిలో దీనిని ఉపయోగించుకునేందుకు ప్రస్తుతం ఉన్న నిబంధనలు పాల్-వి పాటిస్తుందని, దీనిని డ్రైవ్ చేయటానికి కేవలం లైసెన్స్ పొందడం కోసం 20 నుంచి 30 గంటల ట్రైనింగ్ తీసుకుంటే సరిపోతుందని కంపెనీ పేర్కొంది.
పాల్-విను విజయవంతంగా పరీక్షించిన తర్వాత, ప్రస్తుతం ఈ బృందం తొలి వాణిజ్య (కమర్షియల్) మోడల్ను డిజైన్ చేసే పనిలో ఉంది. 2014లో ఈ ఫ్లయింగ్ కార్లను డెలివరీ చేసే ఆస్కారం ఉంది. ఇదే సమయానికి టెర్రాఫుజియా ఫ్లయింగ్ కార్లు కూడా మార్కెట్లోకి రానున్నాయి. న్యాయ సంస్థలు, మిలటరీ, ఫ్లయింగ్ డాక్టర్లు ఇప్పటికే ఈ ఫ్లయింగ్ కారుపై ఆసక్తి చూపారని పాల్ వి-పేర్కొంది.
Continue with Google