స్కొడా ఆక్టావియాలో చవక వేరియంట్ విడుదల

స్కొడా ఇండియా ఇటీవల భారత మార్కెట్లో విడుదల చేసిన ప్రీమియం సెడాన్ '2013 స్కొడా ఆక్టావియా'లో కంపెనీ తాజాగా తక్కువ ధరకే ఓ ఎంట్రీ లెవల్ వేరియంట్‌‌ను విడుదల చేసింది. కొత్త స్కొడా ఆక్టావియా 1.8 యాంబిషన్ పెట్రోల్ వేరియంట్ ధర రూ.16.85 లక్షలు (ఎక్స్-షోరూమ్, ముంబై)గా నిర్ణయించామని కంపెనీ పేర్కొంది.

ఇది కూడా చదవండి: 2013 స్కొడా ఆక్టావియా రివ్యూ
ఇప్పటి వరకు 1.8 టిఎస్ పెట్రోల్ ఇంజన్ కలిగిన వేరియంట్ కేవలం ఎలిగాన్స్ వేరియంట్లో మాత్రమే లభ్యమవుతుండేది. దాని ధర రూ.18.81 లక్షలు (ఎక్స్-షోరూమ్)గా ఉండేది. ఈ వేరియంట్ కన్నా దాదాపు రూ.2 లక్షలు తక్కువ ధరకే స్కొడా ఈ కొత్త ఆక్టావియా వేరియంట్‌ను విడుదల చేసింది. ఈ కొత్త వేరియంట్లో ధరతో పాటే కొన్ని ఫీచర్లను కూడా కత్తిరించారు.

అయితే, ఇందులో 16-ఇంచ్ అల్లాయ్ వీల్స్, క్లైమేట్ కంట్రోల్, ఇన్ఫోటైన్‌మెంట్ సిస్టమ్, మల్టీ-ఫంక్షనల్ డిస్‌ప్లే ఫీచర్లను అలానే ఉంచారు. ఇంజన్ పరంగా ఇందులో ఎలాంటి మార్పులు లేవు. ఇందులో 1.8 లీటర్ టర్బో ఛార్జ్డ్ పెట్రోల్ ఇంజన్‌ను ఉపయోగించారు. ఇది గరిష్టంగా 177.66 బిహెచ్‌పిల శక్తిని, 250 ఎన్ఎమ్‌ల టార్క్‌ను ఉత్పత్తి చేస్తుంది. ఈ ఇంజన్ 7-స్పీడ్ ఆటోమేటిక్ గేర్‌బాక్స్‌తో అనుసంధానం చేయబడి ఉంటుంది.