మీరు రూల్స్ పాటించకపోయినా.. మేము పాటిస్తాం..!

Published: Tuesday, June 26, 2012, 18:01 [IST]

మనం ప్రతిరోజూ రోడ్డుపై ఎంతోమంది వాహన చోదకులను గమనిస్తుంటాం. అందులో కొందరు నిబంధనలు పాటిస్తారు, మరికొందరు ఉల్లంఘిస్తుంటారు. ఎన్నిసార్లు హెచ్చరించినా, జరిమానాలు విధించినా వారి వైఖరిలో మాత్రం మార్పు ఉండదు. వీరు తమను తాము ఇబ్బందుల్లో పడేసుకోవటమే కాకుండా, ఇతరులను కూడా ఇబ్బందుల్లో పెడుతుంటారు. అసలు ఇలాంటి వారికి రోడ్ సెన్సే ఉండదు. అందుకే ఈ కథనంలో రోడ్ సెన్స్ గురించిన నిబంధనలు ట్రాఫిక్ పోలీసుల సహకారంతో ప్రచురించడమైనది.

* ఎల్లప్పుడూ రోడ్డుకు ఎడమవైపే డ్రైవ్ చేయండి, ఎదురుగా వచ్చే వాహనాలకు దారి ఇవ్వండి.

* ఎల్లప్పుడూ కుడి వైపున ట్రాఫిక్‌కు దారి ఇవ్వండి, ముఖ్యంగా రోడ్ జంక్షన్స్, సర్కిల్స్ వద్ద.

* లెఫ్ట్ టర్న్ లేదా రైట్ టర్న్ తీసుకునేటప్పుడు స్ట్రైట్‌గా వెళ్లే వాహనాలకు దారి ఇవ్వండి.

* ఎడమవైపుకు తిరిగేటప్పుడు (లెఫ్ట్ టర్న్), మీరు ప్రవేశించే అవతలి రోడ్డుకు ఎడమవైపుగా మాత్రమే టర్న్ తీసుకోవాలి. ఇలా చేయడం వలన ఆ రోడ్డులో కుడివైపు నుండి వచ్చే వాహనాలకు దారి ఇచ్చినట్లవుతుంది.

* జంక్షన్లు, ఇంటర్‌సెక్షన్లు, పాదచారులు రోడ్డు దాటే ప్రదేశాలు (పెడస్టేరియన్ క్రాసింగ్స్), పాఠశాల ప్రదేశాలు (స్కూల్ జోన్స్), దేవాలయాలు (టెంపుల్స్) మొదలగు రద్దీ ప్రదేశాల్లో వాహనం నడిపేటప్పుడు నెమ్మదిగా వెళ్లండి.

* జంక్షన్లలో ఫ్రీ లెఫ్ట్‌లను బ్లాక్ చేయకండి.

* ఒకవేళ ట్రాఫిక్ జామ్‌లు ఏర్పడినట్లయితే, సహనంతో ఉండండి. మధ్య లైన్లను క్రాస్ చేసి, అవతలి లైన్లను (ఆపోజిట్ లైన్) బ్లాక్ చేయకండి.

* ద్విచక్ర వాహనంపై వెళ్తున్నప్పుడు ఎల్లవేళలా హెల్మెట్‌ను ధరించండి. హెల్మెట్ స్ట్రాప్ సరిగ్గా బిగించుకోండి.

* నిర్దేశించబడిన వేగ పరిమితి (స్పీడ్ లిమిట్)ను దాటి డ్రైవ్ చేసి ప్రమాదాలకు గురికాకండి. ట్రాఫిక్ పరిస్థితులకు అనుగుణంగానే వేగ పరిమితులు నిర్దేశించబడుతాయని గుర్తుంచుకోండి.

మరింత సమాచారం కోసం (NEXT)పై క్లిక్ చేయండి.

Article Published On: Thursday, March 15, 2012, 18:17 [IST]

English summary

We have traffic rules to ensure our safety. But if you notice properly, not many people follow traffic rules. Penalties and high fines have also not deterred people from breaking traffic rules. Finally all we can say is we do not have road sense.

More from DriveSpark