బిగ్‌బాస్‌ బ్యూటీ 'హమీద' ఖరీదైన కారు.. ఇదే: చూడండి

నివేదికల ప్రకారం, హమీద కొనుగోలు చేసిన జర్మన్ బ్రాండ్ మెర్సిడెస్ బెంజ్ యొక్క జిఎల్ఏ అని తెలుస్తోంది. ఇది బ్లాక్ కలర్ లో చూడటానికి చాలా ఆకర్షణీయంగా ఉంది. ఈ కారుని హమీద యాంకర్ రవి మరియు అతని భార్య 'నిత్యా సక్సేనా'తో కలిసి డెలివరీ తీసుకుంది. దీనికి సంబంధించిన ఫోటోలు సోషల్ మీడియాలో వైరల్ అవుతున్నాయి.

మెర్సిడెస్ బెంజ్ యొక్క జిఎల్ఏ విషయానికి వస్తే, ఇది రెండు మోడల్స్ లో అందుబాటులో ఉంటుంది. అవి స్టాండర్డ్ జిఎల్ఏ మరియు టాప్ స్పెక్ ఏఎమ్‌జి జిఎల్ఏ 35. అయితే ఇందులోని జిఎల్ఏ 3 వేరియంట్‌లలో అందుబాటులో ఉంది. అవి 200, 200డి మరియు 200 డి 4 మ్యాటిక్. ఇందులో హమీద ఏ వేరియంట్ కొనుగోలు చేసిందో ఖచ్చితంగా తెలియదు.

మెర్సిడెస్ బెంజ్ జిఎల్ఏ ధరలు రూ. 42 లక్షల (ఎక్స్-షోరూమ్, ఇండియా) నుంచి ప్రారభమవుతాయి. ఇది అద్భుతమైన డిజైన్ మరియు పరికరాలను కలిగి ఉంటుంది. ఇందులో 0.25 ఇంచెస్ డిస్‌ప్లే యూనిట్ ఉంటుంది. ఇది ఆండ్రాయిడ్ ఆటో మరియు ఆపిల్ కార్‌ప్లే కనెక్టివిటీకి సపోర్ట్ చేస్తుంది. అంతే కాకుండా ఇందులో 64-కలర్ యాంబియంట్ లైటింగ్, ఎలక్ట్రికల్లీ అడ్జస్టబుల్ ఫ్రంట్‌ సీట్, వైర్‌లెస్ స్మార్ట్‌ఫోన్ ఛార్జింగ్, డ్యూయెల్ జోన్ ఆటోమేటిక్ క్లైమేట్ కంట్రోల్ మరియు పనోరమిక్ సన్‌రూఫ్ వంటివి అందుబాటులో ఉన్నాయి.

బెంజ్ జిఎల్ఏ పెట్రోల్ మరియు డీజిల్ ఇంజిన్లను కలిగి ఉంటుంది. ఇందులో ఒకటి 61 బిహెచ్‌పి పవర్ మరియు 250 ఎన్ఎమ్ టార్క్‌ ఉత్పత్తి చేసే 1.3-లీటర్ పెట్రోల్ ఇంజిన్. ఇది 7 స్పీడ్ డిసిటి యూనిట్‌ తో జత చేయబడి ఉంటుంది. ఇక డీజిల్ ఇంజిన్ విషయానికి వస్తే, 188 బిహెచ్‌పి పవర్ మరియు 400 ఎన్ఎమ్ టార్క్‌ ప్రొడ్యూస్ చేస్తుంది. ఇది 8-స్పీడ్ జి-ట్రానిక్ ఆటోమేటిక్ టార్క్ కన్వర్టర్ తో జతచేయబడి ఉంటుంది.

మెర్సిడెస్ బెంజ్ జిఎల్ఏ పరిమాణం పరంగా కూడా చాలా అనుకూలంగా ఉంటుంది. ఈ లగ్జరు కారు పొడవు 4,410 మిమీ, వెడల్పు 2,020 మిమీ, ఎత్తు 1,611 మిమీ మరియు వీల్‌బేస్ 2,729 మిమీ వరకు ఉంటుంది.

ఇక మన బిగ్‌బాస్‌ బ్యూటీ హామీదా విషయానికి వస్తే, తెలుగులో సాహసం చేయరా డింబకా సినిమాతో సినీపరిశ్రమలోకి అడుగుపెట్టినప్పటి తరువాత సరైన అవకాశాలు రాలేదు, ఆ తరువాత బిగ్‌బాస్‌ 5 లో అవకాశం రావడంతో తన అభినయంతో ఎక్కువమంది అభిమానులను పొందగలిగింది.

అదే సమయంలో బిగ్‌బాస్‌ 5 లో సింగర్ శ్రీరామ్ తో ప్రేమాయణం నడిపింది. ఆ తరువాత మరింత పాపులర్ అయిపోయింది. మొత్తమ్ మీద ఇప్పుడు ఒక ఖరీదైన కారుని సొంతం చేసుకునేసింది. ఈ కారుని కొనుగోలు చేసిన తరువాత యాంకర్ రవితో కలిసి కారులో డ్రైవ్‌కు కూడా వెళ్ళింది. దీనికి సంబంధించిన వీడియో కూడా సోషల్ మీడియాలో వైరల్ అయింది.

ఇదిలా ఉండగా ఇటీవల షన్ను కూడా ఒక ఖరీదైన 'బిఎండబ్ల్యు' (BMW) '2 సిరీస్ గ్రాండ్ కూపే' కొనుగోలు చేసాడు. షణ్ముఖ్ కొనుగోలు చేసిన ఈ కారు ధర సుమారు రూ. 50 లక్షలకు పైనే ఉంటుంది. షన్ను కారు కొన్న సందర్భంగా ఆ ఫోటోలను తన ఇన్స్టాగ్రామ్ అకౌంట్ ద్వారా షేర్ చేసాడు. ఇందులో 'ఇదంతా ఒక డ్రీమ్ లాగా ఉంది. నా ఫ్యామిలీ తరువాత ఆ పొజిషన్ లో చూడాలనుకుంది మీరే, అంటూ.. ఐ లవ్ యు 3000' అని రాసుకొచ్చాడు. దీనికి సంబంధించిన మరింత సమాచారం తెలుసుకోవడానికి ఈ లింకుపై క్లిక్ చేయండి.

డ్రైవ్‌స్పార్క్ అభిప్రాయం:

గత విజయదశమి మరియు దీపావళి పండుగల సందర్భంగా చాలామంది సెలబ్రెటీలు కొత్త కార్లను కొనుగోలు చేశారు. ఇందులో హమీద కూడా ఒకరు. ఈమె ఈ దీపావళి సందర్భంగా ఖరీదైన బెంజ్ కారుని కొనుగోలు చేసింది. ఇలాంటి మరిన్ని ఆసక్తికరమైన విషయాలతోపాటు మార్కెట్లో విడుదలయ్యే కొత్త కార్లు మరియు బైకుల గురించి ఎప్పటికప్పుడు తెలుసుకోవడానికి తెలుగు డ్రైవ్‌స్పార్క్ ఛానల్ చూస్తూ ఉండండి.