పీల్ 50 మైక్రోకార్ ఫీచర్లు, స్పెసిఫికేషన్లు..

పీల్ 50లో ఉపయోగించిన 50సీసీ ఇంజన్ 3.5 బిహెచ్‌పిల శక్తిని ఉత్పత్తి చేస్తుంది. ఇది గరిష్టంగా 24 కి.మీ. వేగంతో (అబ్బా ఎంత స్పీడో కదా...) పరుగులు తీస్తుంది. ఒకవేళ ఇందులో శక్తివంతమైన కారు కావాలనుకుంటే మీరు ఎలక్ట్రిక్ వెర్షన్ పీల్‌ను ఎంచుకోవచ్చు. ఇదైతే గరిష్టంగా 45 కి.మీ వేగంతో పరుగులు తీస్తుంది.

ఎలక్ట్రిక్ వెర్షన్ కారును పూర్తిగా ఛార్జ్ చేస్తే 80 కి.మీ. రేంజ్ వరకూ ప్రయాణం చేయవచ్చు. మరి పీల్ 50 కారు ధరెంతో తెలుసా జస్ట్ 15,600 బ్రిటీష్ పౌండ్లు మాత్రమే. అంటే మన దేశ కరెన్సీలో రూ.12 లక్షల పైచిలుకు అన్నమాట. ఈ డబ్బుతో కనీసం నాలుగు టాటా నానో కార్లు కొనుక్కోవచ్చు. అప్పటికీ ఇంకాస్త డబ్బులు మిగులే అవకాశం కూడా ఉంది.

మరి పీల్ 50 కారు ధరను అంత ఎక్కువకు ఎందుకు విక్రయిస్తున్నారని కంపెనీని అడిగితే.. వారు చెప్పే సమాధానం ఏంటంటే, ఇది చాలా అరుదుగా దొరికే కారు, కాబట్టే ఇంత అధిక ధర అని అంటోంది. మరి మీరేమంటారు.. పీల్ 50 కారును ఇండియాకు తీసుకురావాలంటారా..?