గ్రామీణ రోడ్లపై రారాజు: కొత్త బజాజ్ బాక్సర్ బిఎమ్ 150

గ్రామీణ రోడ్లపై రైడ్ కంట్రోల్ కోసం వెడల్పాటి టైర్లు, ట్రాఫిక్‌లో టెన్షన్ ఫ్రీ ఇంజన్ స్టార్ట్ కోసం ఎలక్ట్రిక్ స్టార్ట్, దూర ప్రయాణాల్లో సౌకర్యవంతమైన ప్రయాణ అనభూతి కోసం విశాలమైన సీట్‌లను కొత్త బాక్సర్ బిఎమ్ 150సీసీ బైక్‌లో అమర్చారు. దీని ఇంజన్ 12 పిఎస్‌ల శక్తిని మరియు 12.26 ఎన్ఎమ్‌ల టార్క్‌ను విడుదల చేస్తుంది. అంటే ఈ శక్తి ఒక సాధారణ 100 సీసీ బైక్‌ కన్నా సుమారు 50 శాతం అధికం అన్నమాట. అంతేకాదు ఇది లీటరు పెట్రోల్‌కు 55-62 కిలోమీటర్లు మైలేజీ ఇస్తుంది.

కొత్త బాక్సర్ డిజైన్‌లో పెద్దగా మార్పులు చేయకుండా, దీని ఇంజన్‌ను శక్తివంతగా తీర్చిదిద్దారు. బాక్సర్ 150 సీసీ ఇంజన్ 12 పిఎస్‌ల శక్తిని మరియు 12.26 ఎన్ఎమ్‌ల టార్క్‌ను విడుదల చేస్తుంది. గ్రామీణ రహదారులపై సౌకర్యంగా సవారీ చేసేందుకు విశాలమైన సీటును మరియు అధిక బరువు తీసుకువెళ్లేందుకు వెనుక లగేజ్ క్యారియర్‌ను కొత్త బాక్సర్‌లో అమర్చడం జరిగింది.

గతుకుల రోడ్లపై సైతం సౌకర్యవంతమైన రైడ్ కోసం కొత్త బాక్సర్ బైక్‌కు ముందువైపు టెలిస్కోపిక్ షాక్ అబ్జార్వర్లను, వెనుకవైకు స్ప్రింగ్ ఇన్‌సైడ్ స్ప్రింగ్ (ఎస్ఎన్ఎస్) సిస్టమ్‌తో కూడిన షాక్ అబ్జార్వర్లను అమర్చారు. ఇందులో నిరుత్సాహకర విషయం ఏంటంటే.. ఇంజన్ 150 సీసీ అయినప్పటికీ, ఇది డ్రమ్ బ్రేక్ సిస్టమ్‌తోనే లభిస్తుంది (డిస్క్ బ్రేక్ ఆప్షన్ లేదు). ఇందులో చెప్పుకోదగి విషయం ఏంటంటే.. దీని ధర. ఇది రూ.43,009 (ఎక్స్-షోరూమ్ హైదరాబాద్)లకే లభిస్తుంది. ఓ 150సీసీ బైక్ ఇంత తక్కువ ధరకు లభించడం విశేషం.