కొత్త పల్సర్ కోసం బుకింగ్స్ తీసుకుంటున్న బజాజ్ డీలర్లు

2012 Pulsar 200 NS

మా డ్రైవ్ స్పార్క్ ప్రతినిధి ఒకరు స్థానిక బజాజ్ షోరూమ్‌లో విచారించగా ఈ విషయం వెల్లడైంది. గతంలో మా ప్రతినిధి ఒకరు బజాజ్ అధికారిని సంప్రదించినప్పుడు కూడా ఏప్రిల్ నెలలో కొత్త పల్సర్ కోసం బుకింగ్‌లను ప్రారంభిస్తామని సదరు అధికారి సమాధానమిచ్చారు. అయితే, ఇందుకు సంబంధించిన ఓ ఖచ్చితమైన తేదీని వెల్లడించేందుకు మాత్రం ఆయన నిరాకరించారు.

మొత్తమ్మీద ఇది పల్సర్ ప్రియులకు తీపి వార్తగా చెప్పుకోవచ్చు. ఈ నెలాఖరు చివరి నాటికి 2012 పల్సర్ 200 ఎన్ఎస్ బైక్‌ డెలివరీ అయ్యే ఆస్కారం ఉంది. 'పల్సర్ 200ఎన్ఎస్' (నేక్‌డ్ స్పోర్ట్స్)లో ప్రపంచంలోనే తొలిసారిగా ట్రిపుల్ స్పార్క్ ప్లగ్ టెక్నాలజీతో కూడిన 199.5సీసీ సింగిల్-సిలిండర్ ఇంజన్‌ను ఉపయోగించారు. ఇది 9500 ఆర్‌పిఎమ్ వద్ద 23.4 బిహెచ్‌పిల శక్తిని, 8000 ఆర్‌పిఎమ్ వద్ద 1.86 కెజిఎమ్‌ల గరిష్ట టార్క్‌ను విడుదల చేస్తుంది.

పల్సర్ 200ఎన్ఎస్ బైక్ కేవలం 3.8 సెకన్లలోనే 0-60 కి.మీ. వేగాన్ని అందుకుంటుంది, అలాగే 9.8 సెకన్లలో 0-100 కి.మీ. వేగంతో పరుగులు తీస్తుంది. ఇది గంటకు గరిష్టంగా 136 కి.మీ. వేగంతో పరుగులు తీస్తుంది. కొత్త 2012 పల్సర్ 200ఎన్ఎస్ లీటర్ పెట్రోల్‌కు 58 కి.మీ (గంటకు 55 కి.మీ. వేగంతో వెళ్లినప్పుడు మాత్రమే) మైలేజీనివ్వనుంది. మరింకెందుకు ఆలస్యం కొత్త వెంటనే మీ సమీపంలోని డీలర్ వద్దకు వెళ్లి కొత్త పల్సర్ బుకింగ్స్ గురించి విచారించండి.

ఇది కూడా చదవండి..: పల్సర్ 135, యమహా ఆర్15 వెర్షన్ 2.0, కెటిఎమ్ డ్యూక్ 200 మోడళ్లను కాపీ కొట్టి పల్సర్ 200 ఎన్ఎస్ మోడల్‌ను డిజైన్ చేశారా..?