Click it and Unblock the Notifications
బైకర్ల కోసం 'ధూమ్ 3' హెల్మెట్లను విడుదల చేసిన స్టీల్బర్డ్
గతంలో బాలీవుడ్ బాద్షా షారుఖ్ ఖాన్ నటించిన రావన్ చిత్రం విడుదలైనప్పుడు వివిధ కంపెనీలు ఆ సినిమాను టార్గెట్ చేసుకొని సరికొత్త ఉత్పత్తులను మార్కెటింగ్ చేయటాన్ని మనం చూశాం. ఇప్పుడు తాజాగా.. మరో బాలీవుడ్ సూపర్ హీరో అమీర్ ఖాన్ నటించిన ధూమ్ 3 చిత్రం ఈ ఏడాది చివర్లో విడుదల కానున్న నేపథ్యంలో, స్టీల్బర్డ్ సరికొత్త 'ధూమ్ 3' సిరీస్ హెల్మెట్లను విడుదల చేసింది.
ధూమ్ 3 సినిమా క్రేజ్ను క్యాష్ చేసుకునేందుకు స్టీల్బర్డ్ ఈ కొత్త స్టయిలిష్ హెల్మెట్లను తయారు చేసింది. ఈ మేరకు స్టీల్బర్డ్ యష్ రాజ్ ఫిల్మ్స్తో ఓ ఒప్పందాన్ని కుదుర్చొకని ఈ హెల్మెట్లను అధికారికంగా తయారు చేస్తోంది. ఈ సందర్భంగా, యష్ రాజ్ ఫిల్మ్స్ లైసెన్సింగ్ అండ్ మర్చండైస్ వైస్ ప్రెసిడెంట్ రోహిత్ సోబ్టీ మాట్లాడుతూ.. కొత్త ధూమ్ 3 రేంజ్ హెల్మెట్లపై ఈ సినిమాను ఆధారంగా చేసుకొని డిజైన్ చేసిన ఆకర్షనీయమైన గ్రాఫిక్స్ ప్రత్యేకంగా నిలుస్తాయని, బైకర్లకు ఇవి మంచి థ్రిల్నిస్తాయని అన్నారు.
ఇది కూడా చదవండి: ధూమ్ 3లో అమీర్, అభిషేక్ల బైక్ స్టంట్స్
ఈ సందర్భంగా స్టీల్బర్డ్ హై-టెక్ ఇండియా లిమిటెడ్ హెడ్ (సేల్స్ అండ్ మార్కెటింగ్) శైలేంద్ర జైన్ మాట్లాడుతూ.. యష్ రాజ్ ఫిల్మ్స్తో ఒప్పందం కుదుర్చుకోవటం తమకెంతో సంతోషంగా ఉందని, వినూత్న ఉత్పత్తులను తయారు చేయటంలో ఎప్పుడూ ముందుండే తాము, తాజాగా ధూమ్ 3 ఉత్పత్తులను పరిచయం చేశామని, ప్రస్తుతం తాము అందిస్తున్న హెల్మెట్లకు అదనంగా ఇవి లభ్యం కానున్నాయని చెప్పారు. స్టీల్బర్డ్ హెల్మెట్లు సేఫ్టీకి, నాణ్యతకి పెట్టింది పేరని ఆయన తెలిపారు.
Continue with Google