మార్కెట్లోకి ఒకినవ లైట్ ఎలక్ట్రిక్ స్కూటర్: చీపెస్ట్ ధరలో బెస్ట్ స్కూటర్!

లైట్ ఎలక్ట్రిక్ స్కూటర్ యూజర్ ఫ్రెండ్లీ, వాడటానికి ఎంతో సులభంగా, తక్కువ బరువుతో చాలా తేలికగా సిటీల్లో చిన్న చిన్న రైడింగ్స్ చేయడానికి ఎంతో అనువుగా ఉంటుందని ఒకినవ కంపెనీ పేర్కొంది. సిటీ కస్టమర్లను ఆకట్టుకోవడానికి ఇందులో ఎన్నో అత్యాధునిక ఫీచర్లను తీసుకొచ్చారు.

ఒకినవ లైట్ ఎలక్ట్రిక్ స్కూటర్లో ఫ్రంట్ హెడ్ ల్యాంప్ మరియు టెయిల్ ల్యాంప్స్ చుట్టూ ఎల్ఈడీ లైట్లు వచ్చాయి. డ్యాష్ బోర్డులో ఎల్ఈడీ లైటింగ్ గల స్పీడో మీటర్, పుష్-బటన్ సెల్ఫ్-స్టార్ట్ మరియు ఆటోమేటిక్ ఎలక్ట్రానిక్ హ్యాండిల్ వంటివి ఫీచర్లు ఉన్నాయి.

ఒకినల లైట్ ఎలక్ట్రిక్ స్కూటర్‌లో ఉన్నటువంటి 40V, 1.25kWh లిథియం-అయాన్ బ్యాటరీ సిస్టమ్ 250W BLDC ఎలక్ట్రిక్ మోటార్‌కు పవర్ సప్లే చేస్తుంది. ఒక్కసారి ఫుల్ ఛార్జింగ్ చేస్తే 50 నుండి 60 కిమీల వరకు ప్రయాణిస్తుంది మరియు దీని గరిష్టం వేగం గంటకు 25కిమీలుగా ఉంది.

ఈ ఎలక్ట్రిక్ స్కూటర్‌లోని బ్యాటరీలను పూర్తిగా ఛార్జ్ చేయడానికి 4 నుండి 5 గంటల సమయం పడుతుంది. లైట్ ఎలక్ట్రిక్ స్కూటర్లోని బ్యాటరీ మరియు ఎలక్ట్రిక్ మోటార్ మీద 3 సంవత్సరాల వారంటీ అందిస్తోంది.

ఒకినవ లైట్ ఎలక్ట్రిక్ స్కూటర్లో రీజనరేటివ్ బ్రేకింగ్ టెక్నాలజీ కూడా కలదు. సస్పెన్షన్ కోసం ముందువైపున టెలిస్కోపిక్ ఫ్రంట్ ఫోర్క్స్ మరియు వెనుక వైపున డ్యూయల్-స్ప్రింగ్ హైడ్రాలిక్ షాక్ అబ్జార్వర్లు ఉన్నాయి.

డ్రైవ్‌స్పార్క్ తెలుగు అభిప్రాయం!

ఒకినవ లైట్ ఎలక్ట్రిక్ స్కూటర్ ఇండియన్ మార్కెట్లోకి వచ్చిన కొత్త మోడల్. తేలికపాటి బరువుతో అన్ని రకాల వయస్సున్న వారు సులభంగా వినియోగించుకునేలా సిటీ అవసరాల కోసం దీనిని రూపొందించారు. మార్కెట్లో ఉన్న ఏవన్ ట్రెండ్-ఇ అనే ఎలక్ట్రిక్ స్కూటర్‌కు ఇది గట్టి పోటీనిస్తుంది.