Just In
- 54 min ago రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- 1 hr ago కూతురిపై ప్రేమ - కోట్ల రూపాయల కారు గిఫ్ట్ ఇచ్చిన తండ్రి (వీడియో)
- 2 hrs ago టెస్లా, బీవైడీలకు పోటీగా Xiaomi SU7 ఎలక్ట్రిక్ కారు లాంచ్.. 810 కి.మీ రేంజ్
- 4 hrs ago ప్రపంచంలోనే 'ది బెస్ట్ కారు' ఇదే.. 29 దేశాల నుంచి 100 మంది ఆటో మొబైల్ జర్నలిస్ట్లు ఎంపిక చేసిన కారు ఏదంటే??
Don't Miss
- Sports 500 టీ20 మ్యాచ్ ఆడబోతున్న ఐపీఎల్ స్టార్: మ్యాన్ ఆఫ్ మెయిడెన్ ఓవర్స్
- News వైసీపీకి చిక్కిన లోకేష్ ట్వీట్..ఆ వెంటనే ఏం చేశారంటే..?
- Finance Gold Rate Today: బంగారం ప్రియులకు షాక్.. పెరిగిన ధర..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Movies Tillu Square Business: సిద్దు మూవీకి రికార్డు బిజినెస్.. ఆ హీరోలతో సమానంగా.. టిల్లు 2 హిట్ కావాలంటే!
- Lifestyle Lok Sabha Election 2024:మరో 3 నెలల్లో పట్టాభిషేకం ఎవరికి? జ్యోతిష్యం ఏ పార్టీకి స్ట్రాంగ్ గా సపోర్ట్ చేస్తోంది
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మళ్ళీ ఆలస్యం కానున్న Ola ఎలక్ట్రిక్ స్కూటర్లు: ఈ సారి మాత్రం కారణం ఇదే
భారతీయ మార్కెట్లో విడుదలైనప్పటి నుంచి అత్యంత ప్రజాదరణ పొందిన ఎలక్ట్రిక్ స్కూటర్ బ్రాండ్ ఓలా (Ola). ఓలా ఎలక్ట్రిక్ స్కూటర్లు విడుదలైన అతి తక్కువ కాలంలోనే అత్యధిక సంఖ్యలో బుకింగ్లను స్వీకరించాయి. అయితే డెలివరీ విషయంలో మాత్రమే చాలా ఆలస్యం జరిగింది. అంతే కాకుండా డెలివరీల తరువాత కూడా కస్టమర్లు వీటిపైన నిరాశ వ్యక్తం చేస్తున్నారు. రోజురోజుకి ఏదో ఒక సమస్య పుట్టుకొస్తుంది.
ఇప్పుడు కంపెనీ అందించిన సమాచారం ప్రకారం స్కూటర్ డెలివరీలు మరింత ఆలస్యం కానున్నాయి. ఎందుకంటే ఓలా స్కూటర్లలో హిల్ హోల్డ్ అసిస్ట్ మరియు క్రూయిజ్ కంట్రోల్ ఫీచర్లను లాంచ్ సమయంలో అందించలేదు, కావున వీటిని ఓవర్-ది-ఎయిర్ (OTA) అప్డేట్ల ద్వారా ఈ ఫీచర్లు యాక్టివేట్ చేయనున్నారు.
ఈ ఫీచర్స్ యాక్టివేట్ చేయడానికి కొంత సమయం పట్టవచ్చని కంపెనీ తెలిపింది. OTA అప్డేట్ తో ఎలక్ట్రిక్ స్కూటర్ కస్టమర్కు చేరుకోవడానికి మూడు నుండి ఆరు నెలల సమయం పడుతుందని కంపెనీ తెలిపింది. మీరు ఈ కొత్త ఎలక్ట్రిక్ స్కూటర్లలో క్రూయిజ్ కంట్రోల్ మరియు హిల్ హోల్డ్ వంటి ఫీచర్ల ప్రయోజనాన్ని పొందడానికి కొంత సమయం వేచి తప్పకుండా వేచి చూడాలి.
కంపెనీ అందించిన సమాచారం ప్రకారం, ఈ ఏడాది జూన్ నాటికి ఈ అప్డేట్ ఫీచర్లతో కంపెనీ ఈ స్కూటర్లను అందించే అవకాశం ఉంది. ఇవి మాత్రమే కాకూండా మరిన్ని ఆధునిక ఫీచర్లు కూడా వీటిలో అందుబటులోకి రానున్నాయని కంపెనీ తెలిపింది. అయితే డెలివరీలు మాత్రమే ఆలస్యం అవుతాయి. ఇది కస్టమర్లపైన తప్పకుండా ప్రభావం చూపే అవకాశం ఉంటుంది.
ఇప్పటికి అందిన సమాచారం ప్రకారం, ఓలా కంపెనీ 2021 డిసెంబర్ నెలలో మొత్తం 111 యూనిట్ల స్కూటర్లను డెలివరీ చేసినట్లు తెలుస్తోంది. అయితే రానున్న రోజుల్లో డెలివరీలను మరింత వేగవంతం చేయడానికి కంపెనీ తగిన సన్నాహాలను సిద్ధం చేస్తోంది. ఇందులో భాగంగానే కంపెనీ యొక్క ఫ్యూచర్ ఫ్యాక్టరీలో ప్రతిరోజూ 1,000 ఎలక్ట్రిక్ స్కూటర్లు ఉత్పత్తి అవుతున్నాయని కంపెనీ సీఈవో ట్వీట్ చేయడం ద్వారా ఈ సమాచారాన్ని అందించారు.
అంతే కాకుండా కంపేనీ మళ్ళీ తన సేల్స్ ప్రారంభించే అవకాశం ఉన్నట్లు తెలుస్తోంది. అయితే గత నెలలో కంపెనీ డెలివరీ చేసిన మొత్తం 111 యూనిట్లలో కర్ణాటకలో 60, తమిళనాడులో 25, మహారాష్ట్రలో 15 మరియు రాజస్థాన్లో 11 యూనిట్లు డెలివరీ చేసినట్లు తెలిసింది.
ఓలా ఎలక్ట్రిక్ ఇప్పటికే తన ఎలక్ట్రిక్ స్కూటర్ కోసం దాదాపు 90,000 బుకింగ్లను పొందినట్లు తెలిపింది. అయితే 2021 డిసెంబర్ 15 నుండి డెలివరీ ప్రక్రియ ప్రారంభమయ్యింది. ఇప్పటికే కొంతమంది కస్టమర్లు ఈ ఎలక్ట్రిక్ స్కూటర్ డెలివరీలను పొందారు. కానీ డెలివరీ పొందిన కొంతమంది కస్టమర్లు ఈ స్కూటర్ల నాణ్యత మరియు రేంజ్ వంటి విషయాలపైన అసంతృప్తి వ్యక్తం చేసారు.
ఓలా ఎలక్ట్రిక్ యొక్క S1 స్కూటర్ ఎక్స్-షోరూమ్ ధర రూ. 99,999 కాగా, S1 ప్రో ధర రూ. 1,29,999 (ఎక్స్-షోరూమ్). ఓలా ఎలక్ట్రిక్ స్కూటర్ ఆధునిక ఫీచర్స్ మరియు పరికరాలను కలిగి ఉంటుంది.
ఓలా ఎలక్ట్రిక్ స్కూటర్ సింపుల్ డిజైన్ కలిగి ఉంటుంది. ఈ బైక్ ఫ్రంట్ ఆప్రాన్ మధ్యలో OLA బ్యాడ్జ్తో చూడవచ్చు. స్కూటర్ ముందు భాగంలో ఉన్న ఏకైక ఫీచర్ హెడ్ల్యాంప్స్ క్లస్టర్, ఇందులో ఎల్ఈడీ డిఆర్ఎల్ ల చుట్టూ ట్విన్-పాడ్ ఎల్ఈడీ సెటప్ ఉంటుంది. ఈ కొత్త ఎలక్ట్రిక్ స్కూటర్ లో క్షితిజ సమాంతరంగా అమర్చిన ఎల్ఈడీ టెయిల్ ల్యాంప్లు, ఎల్ఈడీ టర్న్ ఇండికేటర్స్, రియర్ ఫుట్-రెస్ట్ మరియు కాంటూర్డ్ సీట్లు ఉన్నాయి.
అంతే కాకూండా ఇందులో అల్లాయ్ వీల్స్, 36-లీటర్ అండర్-సీట్ స్టోరేజ్, రియర్ గ్రాబ్ రైల్స్, ఫ్రంట్ స్టోరేజ్ పాకెట్స్, లగేజ్ హుక్ మరియు రబ్బర్-లైన్డ్ ఫ్రంట్ ఫుట్వెల్ వంటి ఫీచర్స్ కూడా ఉన్నాయి. ఓలా ఎలక్ట్రిక్ స్కూటర్ యొక్క కొలతల విషయానికి వస్తే, ఇది 1860 మిమీ పొడవు, 700 మిమీ వెడల్పు, 1155 మిమీ ఎత్తు, 1345 మిమీ వీల్బేస్ మరియు 74 కిలోల బరువు ఉంటుంది.
ఓలా ఎలక్ట్రిక్ స్కూటర్ మూడు వేర్వేరు డ్రైవింగ్ మోడ్లను కలిగి ఉంటుంది. అవి నార్మల్, స్పోర్ట్ మరియు హైపర్ మోడ్స్. ఓలా ఎలక్ట్రిక్ స్కూటర్ అద్భుతమైన ఫీచర్స్ మరియు పరికరాలను కలిగి ఉండటం మాత్రమే కాకుండా, మంచి పనితీరుని కూడా అందిస్తుంది. ఈ ఎలక్ట్రిక్ స్కూటర్ 10 కలర్ ఆప్సన్స్ లో అందుబాటులో ఉంటుంది.
ఓలా ఎలక్ట్రిక్ స్కూటర్ 3.9 kWh లిథియం-అయాన్ బ్యాటరీ ప్యాక్ ద్వారా శక్తిని పొందుతుంది. దీని ఎలక్ట్రిక్ మోటార్ 8.5 kW గరిష్ట శక్తిని ఉత్పత్తి చేస్తుంది. ఓలా ఎలక్ట్రిక్ స్కూటర్ యొక్క బ్యాటరీని 750W సామర్థ్యం గల పోర్టబుల్ ఛార్జర్తో దాదాపు 6:30 గంటల్లో పూర్తిగా ఛార్జ్ చేయవచ్చు. ఇది కాకుండా, ఫాస్ట్ ఛార్జర్తో కేవలం 18 నిమిషాల్లో 75% వరకు ఛార్జ్ చేయబడుతుంది.
ఓలా ఈ ఎలక్ట్రిక్ స్కూటర్లో అనేక కొత్త మరియు ఆధునిక ఫీచర్లను అందించింది. Ola S1 పూర్తి ఛార్జ్పై 121 కిమీల రేంజ్ను అందిస్తుంది, అయితే హై ఎండ్ వేరియంట్ S1 ప్రో 181 కిమీల పరిధిని కలిగి ఉంది. ఈ రెండు స్కూటర్ల టాప్ స్పీడ్ విషయానికి వస్తే, Ola S1 గరిష్టంగా 90 km/h వేగంతో, Ola S1 Pro గరిష్టంగా 115 km/h వేగంతో రైడ్ చేయడానికి అనుకూలంగా ఉంటుంది.