మార్చి నాటికి 15,000 డెలివరీలు పూర్తి చేస్తాం.. Ola సీఈఓ

మొత్తానికి ఓలా కంపెనీ యొక్క విక్రయాలు తగ్గాయని మనకు స్పష్టంగా తెలుస్తోంది. అయితే వచ్చే నెల కల్లా కంపెనీ యొక్క విక్రయాలు 15,000 చేరుకుంటుందని తెలుస్తోంది. అయితే ఈ సంఖ్యను కంపెనీ చేరుకుంటే దేశంలోనే అత్యధికంగా ఎలక్ట్రిక్ స్కూటర్లను విక్రయించే కంపెనీగా ఓలా కంపెనీ అవతరిస్తుంది.

ఓలా కంపెనీ 2022 జనవరిలో 1100 యూనిట్ల ఎలక్ట్రిక్ స్కూటర్లను మరియు 2021 డిసెంబర్ నెలలో కేవలం 240 యూనిట్లను డెలివరీ చేసింది. 2022 జనవరి నెలలో కంపెనీ మహారాష్ట్రలో 440 యూనిట్లు, కర్ణాటకలో 282 యూనిట్లు, ఢిల్లీలో 108 యూనిట్లు, గుజరాత్‌లో 69 యూనిట్లు, ఒడిశాలో 52 యూనిట్లు, రాజస్థాన్‌లో 38 యూనిట్లు, ఉత్తరప్రదేశ్‌లో 32 యూనిట్లు, తమిళనాడులో 23 యూనిట్లు మరియు హర్యానాలో 19 యూనిట్లు విక్రయించినట్లు తెలిసింది. అంతే కాకుండా కంపెనీ కేరళలో 7 యూనిట్లు, జార్ఖండ్‌లో 5 యూనిట్లు, పశ్చిమ బెంగాల్‌లో 4 యూనిట్లు మరియు పంజాబ్‌లో 1 యూనిట్ డెలివరీ చేయబడ్డాయి.

ఓలా కంపెనీ దేశీయ మార్కెట్లో ఎస్1 మరియు ఎస్1 ప్రో అనే రెండు ఎలక్ట్రిక్ స్కూటర్లను విడుదల చేసింది. వీటి ధరలు వరుసగా రూ. 99,999 మరియు రూ. 1,29,999. కంపెనీ ప్రస్తుతం S1 ప్రో వేరియంట్ ఉత్పత్తిపై దృష్టి సారించింది, దీని కారణంగా ఈ సంవత్సరం చివరి నాటికి బేస్ వెర్షన్ ఉత్పత్తిని ప్రారంభించవచ్చు.

ఇప్పుడు S1 స్కూటర్ కొనుగోలు చేసిన కస్టమర్‌లకు కంపెనీ S1 ప్రో వెర్షన్‌ను డెలివరీ చేయబోతోంది. తాజాగా, కంపెనీ సీఈవో ట్వీట్ ద్వారా ఈ సమాచారాన్ని అందించారు. అయితే అయితే దాని అన్ని ఫీచర్ల ప్రయోజనాన్ని పొందడానికి అదనంగా రూ. 30,000 చెల్లించాల్సి ఉంటుంది.

చిప్స్ లేకపోవడంతో కంపెనీ ప్రస్తుతం టాప్ వేరియంట్ ఉత్పత్తిపైనే దృష్టి సారిస్తోందని, అందుకే ముందుగా బుక్ చేసుకున్న కస్టమర్లకు ఈ అప్‌గ్రేడ్‌ను అందిస్తున్నట్లు తెలుస్తోంది. అయితే ఇప్పుడు మీరు S1 వేరియంట్‌ను బుక్ చేసుకుంటే, మీరు 10 నుంచి 12 నెలల వరకు వేచి ఉండాల్సి వస్తుంది.

ఓలా ఎలక్ట్రిక్ స్కూటర్‌ సింపుల్‌ డిజైన్ కలిగి ఉంటుంది. ఈ బైక్ ఫ్రంట్ ఆప్రాన్‌ మధ్యలో OLA బ్యాడ్జ్‌తో చూడవచ్చు. స్కూటర్ ముందు భాగంలో ఉన్న ఏకైక ఫీచర్ హెడ్‌ల్యాంప్స్ క్లస్టర్, ఇందులో ఎల్ఈడీ డిఆర్ఎల్ ల చుట్టూ ట్విన్-పాడ్ ఎల్ఈడీ సెటప్ ఉంటుంది. ఈ కొత్త ఎలక్ట్రిక్ స్కూటర్ లో క్షితిజ సమాంతరంగా అమర్చిన ఎల్ఈడీ టెయిల్ ల్యాంప్‌లు, ఎల్ఈడీ టర్న్ ఇండికేటర్స్, రియర్ ఫుట్-రెస్ట్ మరియు కాంటూర్డ్ సీట్లు ఉన్నాయి.

అంతే కాకూండా ఇందులో అల్లాయ్ వీల్స్, 36-లీటర్ అండర్-సీట్ స్టోరేజ్, రియర్ గ్రాబ్ రైల్స్, ఫ్రంట్ స్టోరేజ్ పాకెట్స్, లగేజ్ హుక్ మరియు రబ్బర్-లైన్డ్ ఫ్రంట్ ఫుట్‌వెల్ వంటి ఫీచర్స్ కూడా ఉన్నాయి. ఓలా ఎలక్ట్రిక్ స్కూటర్ యొక్క కొలతల విషయానికి వస్తే, ఇది 1860 మిమీ పొడవు, 700 మిమీ వెడల్పు, 1155 మిమీ ఎత్తు, 1345 మిమీ వీల్‌బేస్ మరియు 74 కిలోల బరువు ఉంటుంది.

ఓలా ఎలక్ట్రిక్ స్కూటర్ 3.9 kWh లిథియం-అయాన్ బ్యాటరీ ప్యాక్ ద్వారా శక్తిని పొందుతుంది. దీని ఎలక్ట్రిక్ మోటార్ 8.5 kW గరిష్ట శక్తిని ఉత్పత్తి చేస్తుంది. ఓలా ఎలక్ట్రిక్ స్కూటర్ యొక్క బ్యాటరీని 750W సామర్థ్యం గల పోర్టబుల్ ఛార్జర్‌తో దాదాపు 6:30 గంటల్లో పూర్తిగా ఛార్జ్ చేయవచ్చు. ఇది కాకుండా, ఫాస్ట్ ఛార్జర్‌తో కేవలం 18 నిమిషాల్లో 75% వరకు ఛార్జ్ చేయబడుతుంది.

ఓలా ఈ ఎలక్ట్రిక్ స్కూటర్‌లో అనేక కొత్త మరియు ఆధునిక ఫీచర్లను అందించింది. Ola S1 పూర్తి ఛార్జ్‌పై 121 కిమీల రేంజ్‌ను అందిస్తుంది, అయితే హై ఎండ్ వేరియంట్ S1 ప్రో 181 కిమీల పరిధిని కలిగి ఉంది. ఈ రెండు స్కూటర్ల టాప్ స్పీడ్ విషయానికి వస్తే, Ola S1 గరిష్టంగా 90 km/h వేగంతో, Ola S1 Pro గరిష్టంగా 115 km/h వేగంతో రైడ్ చేయడానికి అనుకూలంగా ఉంటుంది.

ఓలా కంపెనీ మళ్లీ బుకింగ్ విండోను ప్రారంభించింది, ఓలా ఎలక్ట్రిక్ చివరి చెల్లింపు విండో జనవరి 21 నుండి ప్రారంభించబడింది. మీరు రూ. 20,000 చెల్లించి బుకింగ్ చేసినట్లయితే, మిగిలిన మొత్తం చెల్లించడం ద్వారా మీరు మీ కొనుగోలును నిర్ధారించవచ్చు, ఆ తర్వాత మాత్రమే మీకు S1 ఎలక్ట్రిక్ స్కూటర్ యొక్క డెలివరీ సమాచారం అందించబడుతుంది.