Ola S1 Air జూలైలో విడుదల కానున్న ఓలా కొత్త స్కూటర్.. ఆకర్షణీయమైన వీడియో విడుదల చేసిన కంపెనీ సీఈవో

దేశంలో ఎలక్ట్రిక్ స్కూటర్ అమ్మకాల వృద్ధి పెరుగుతోంది. ప్రస్తుత పరిస్థితుల్లో పెట్రోల్‌తో నడిచే స్కూటర్ల కంటే ఎలక్ట్రిక్ స్కూటర్ల ధర కాస్త ఎక్కువగానే ఉంది. ఈ క్రమంలో తక్కువ ధరలో లభించే ఎలక్ట్రిక్ స్కూటర్ల కోసం చాలా మంది ఔత్సాహికులు ఎదురుచూస్తున్నారు. అలాంటి వారికి Ola S1 ఎయిర్ ఒక వరం లాంటిదే అని చెప్పవచ్చు.

ఎలక్ట్రిక్ వాహనాల విక్రయాల్లో ఓలా విప్లవాత్మక మార్పులు తీసుకొస్తోంది. ఈ కంపెనీ గత కొన్ని నెలలుగా ఎలక్ట్రిక్ టూ వీలర్ల అమ్మకంలో నంబర్ వన్‌గా ఉండటమే కాకుండా వేగంగా అభివృద్ధి చెందుతోంది. తక్కువ ధరలో వినియోగదారులకు స్కూటర్‌ను ప్రవేశపెట్టాలని నిర్ణయించిన కంపెనీ ఓలా ఎస్1 ఎయిర్‌ను విడుదల చేసింది.

ఓలా(Ola) తన S1 Air ఎలక్ట్రిక్ స్కూటర్‌ను జూలైలో డెలివరీ చేయబోతున్నప్పుడు కంపెనీ సీఈవో భవిష్‌ అగర్వాల్‌ తెలిపారు. ఈ మేరకు అందుకు సంబంధించిన వీడియోను ట్విట్టర్‌ ద్వారా షేర్‌ చేసుకున్నారు. ఓలా S1 ఎయిర్‌ ఫీచర్లు, స్పెసిఫికేషన్స్‌ ఇలా పూర్తి వివరాల్లోకి వెళితే..

Ola S1 ఎయిర్ స్కూటర్ కోసం చాలా కాలంగా ఔత్సాహికులు ఎదురుచూస్తున్నారు. ఈ సందర్భంలో, ఈ స్కూటర్ కోసం బుకింగ్‌లు ప్రారంభమయ్యాయి. కాగా ఇప్పటికే చాలా మంది బుక్ చేసుకుంటున్నారు. మొదట్లో తక్కువ ధరకు ఎస్‌1 ఎయిర్‌ను ఓలా ప్రవేశపెట్టగా, ఫేమ్ 2 సబ్సిడీని తగ్గించడంతో స్కూటర్‌ ధరను పెంచారు.

ఈ క్రమంలో ఓలా 2kWh మరియు 4kWh బ్యాటరీ వెర్షన్‌లను కూడా నిలిపివేసింది. ఇది ప్రస్తుతం 3kwh బ్యాటరీ ప్యాక్‌తో మాత్రమే అందుబాటులో ఉండనుంది. ఈ సందర్భంలో ఓలా సీఈఓ తన ట్విట్టర్ పేజీలో ఈ స్కూటర్ ఎలా రూపొందించబడిందనే వీడియోను పంచుకున్నారు.

ఈ వీడియోలో ఓలా ఎలక్ట్రిక్ స్కూటర్‌ను డ్రీమ్ స్కూటర్‌గా రూపొందించామని, ఈ కలను సాకారం చేసుకోవడానికి ఓలా ఇంజనీర్లు 12 నెలల పాటు శ్రమించారని కంపెనీ పేర్కొంది. ఈ స్కూటర్ డెలివరీ జూలైలో ప్రారంభమవుతుందని సీఈవో తెలిపారు. జూలైలో ఈ స్కూటర్ డెలివరీ ప్రారంభమైన తర్వాత వాహనదారులు పెట్రోల్ స్కూటర్లకు బదులుగా ఎలక్ట్రిక్ స్కూటర్లను కొనుగోలు చేస్తారని ఆయన ఆశాభావం వ్యక్తం చేశారు.

కొన్ని నెలల క్రితం ఓలా ఎలక్ట్రిక్ తన S1 మరియు S1 ఎయిర్ ఎలక్ట్రిక్ స్కూటర్ కోసం వివిధ బ్యాటరీ ఎంపికలను విడుదల చేసింది. ఇప్పుడు, బ్రాండ్‌కు ఉన్న డిమాండ్ కారణంగా వాటిని నిలిపివేసింది. S1 మరియు S1 ఎయిర్ యొక్క 3kWh మోడల్‌లకు అధిక ప్రాధాన్యత ఇచ్చింది.

అయితే ఇక్కడ మీకొక సందేహం రావచ్చు. ఇప్పటికే ప్రీ బుకింగ్‌లు ప్రారంభమయ్యాయి. 2kwh, 4kwh బ్యాటరీ వేరియంట్లు బుక్‌ చేసుకున్న కస్టమర్ల పరిస్థితి ఏంటి అని మీకు అనిపించవచ్చు. అయితే దీనిపై ఓలా స్పష్టతనిచ్చింది. ఆ కస్టమర్లకు 3kWh స్కూటర్‌ను అందిస్తామని.. కొనుగోలు సమయంలో మిగిలిన మొత్తాన్ని చెల్లించడానికి వీలు కల్పిస్తామని తెలిపింది.

అయితే కొనుగోలుదారులు ఈ ఆప్షన్‌ వద్దు అనుకుంటే వారి బుకింగ్‌లను రద్దు చేసుకోవచ్చని.. ఆ మొత్తాన్ని కంపెనీ తిరిగి చెల్లిస్తుందని స్పష్టం చేసింది. అంతేకాకుండా, ఓలా కస్టమర్‌ తన తదుపరి కొనుగోలుపైకు రూ. 6,999 విలువైన వారంటీతో కూడిన బ్యాటరీని కూడా ఇస్తుందని తెలిపింది.

కాబట్టి ప్రస్తుతానికి S1 మరియు S1 ఎయిర్‌లను 3kWh బ్యాటరీతో మాత్రమే కొనుగోలు చేసే అవకాశం ఉంది. అయితే S1 ప్రో 4kWh యూనిట్ బ్యాటరీని కలిగి ఉంది. ఎక్స్‌షోరూమ్‌లో S1 ఎయిర్ ప్రస్తుత ధర రూ. 1,09,999 లో అందుబాటులో ఉంది.