Click it and Unblock the Notifications
కేవలం రూ.4,999తో రివోల్ట్ ఆర్వీ400 బైక్ని బుక్ చేసుకోండి.. ఈ బైక్ ఫీచర్స్ భలే అదుర్స్
ప్రముఖ ఎలక్ట్రిక్ ద్విచక్ర వాహనాల తయారీ సంస్థ రివోల్ట్ మోటార్స్ ఇటీవలే కొత్త RV400(Revolt RV400) ఎలక్ట్రిక్ బైక్ యొక్క లిమిటెడ్ ఎడిషన్ మోడల్ను కొత్త స్టీల్త్ బ్లాక్ కలర్లో విడుదల చేసింది. కొత్త రివోల్ట్ RV400 లిమిటెడ్ ఎడిషన్ ఎక్స్షోరూమ్ ధర రూ. 1.17 లక్షలుగా ఉంది.
ప్రముఖ రివోల్ట్ మోటార్స్ కంపెనీ ఆరవ వార్షికోత్సవం సందర్భంగా ఈ కొత్త లిమిటెడ్ ఎడిషన్ మోడల్ను విడుదల చేసింది. కాగా కస్టమర్ల కోసం రివోల్ట్ RV400 లిమిటెడ్ ఎడిషన్ ఎలక్ట్రిక్ బైక్ బుకింగ్లను ప్రారంభించింది. ఈ ఎలక్ట్రిక్ బైక్ను కొనుగోలు చేయాలనుకునే కస్టమర్లు ఆన్లైన్లో లేదా రివోల్ట్ డీలర్షిప్లలో రూ.4,999 టోకెన్ ధర చెల్లించి బుక్ చేసుకోవచ్చు.
కొత్త రివోల్ట్ RV400 లిమిటెడ్ ఎడిషన్ లిమిటెడ్ సంఖ్యలో విక్రయించబడుతుంది. కాగా ఈ కొత్త ఎలక్ట్రిక్ బైక్ డెలివరీలు అక్టోబర్ నుంచి ప్రారంభం కానున్నాయి. ఇక డిజైన్ను పరిశీలిస్తే కొత్త రివోల్ట్ RV400 లిమిటెడ్ ఎడిషన్ సాధారణ మోడల్లో కాస్మెటిక్ మార్పులను కలిగి ఉంది. ఇందులో వెనుక స్వింగార్మ్, వెనుక గ్రాబ్ హ్యాండిల్ మరియు ఫ్రేమ్ యొక్క ఇతర భాగాలను బ్లాక్ అవుట్ చేసింది. హ్యాండిల్బార్పై క్రోమ్ ఉండటం మరో ప్రత్యేకత.
ఫీచర్లు: రివోల్ట్ RV400 లిమిటెడ్ ఎడిషన్ ఎలక్ట్రిక్ బైక్ ముందు భాగంలో చిన్న ఫ్లాట్ స్క్రీన్ను కలిగి ఉంది. ఇందులో డే టైమ్లో రన్నింగ్ ల్యాంప్లతో కూడిన LED హెడ్ల్యాంప్లు, LCD ఇన్స్ట్రుమెంట్ కన్సోల్, రైడ్ మోడ్లు, e-SIMతో కనెక్ట్ అయ్యే మొబైల్ యాప్ మరియు ఇతర ఆకర్షణీయమైన ఫీచర్లు ఉన్నాయి.
సస్పెన్షన్ సెటప్: ఈ కొత్త రివోల్ట్ RV400 లిమిటెడ్ ఎడిషన్ మోడల్ యొక్క సస్పెన్షన్ సెటప్ విషయానికొస్తే ఇది ముందు వైపున గోల్డెన్ ఫినిషింగ్ అప్సైడ్ డౌన్ ఫోర్క్స్ మరియు వెనుకవైపు మోనో-షాక్తో వస్తుంది. ఈ ఎలక్ట్రిక్ బైక్ ఫుల్ బ్లాక్ కలర్ అల్లాయ్ వీల్స్ను కలిగి ఉంది.
బ్యాటరీ ప్యాక్: రివోల్ట్ RV400 లిమిటెడ్ ఎడిషన్ ఎలక్ట్రిక్ బైక్లో అదే 3.24 kWh Li-ion బ్యాటరీ ప్యాక్ మరియు 3 kW మిడ్-డ్రైవ్ ఎలక్ట్రిక్ మోటర్ను కలిగి ఉంది. ఈ ఎలక్ట్రిక్ బైక్ గరిష్ఠంగా గంటకు 85 కి.మీ వేగంతో ప్రయాణిస్తుంది. ఇది పూర్తి ఛార్జ్పై 156 కి.మీ రేంజ్ ఇస్తుంది. ఈ బైక్లో బ్యాటరీని పూర్తిగా ఛార్జ్ చేయడానికి 4.5 గంటలు పడుతుంది.
దేశీయ మార్కెట్లో ఎలక్ట్రిక్ వాహనాలకు విపరీతమైన డిమాండ్ ఏర్పడుతోంది. ప్రముఖ ద్విచక్ర వాహనాల కంపెనీలు ఎలక్ట్రిక్ ద్విచక్ర వాహనాల ఉత్పత్తికి ఎక్కువ ప్రాధాన్యత ఇస్తున్నాయి. కాగా ఎలక్ట్రిక్ వాహనాల విభాగంలోకి క్రమంగా కొత్త కంపెనీలు ప్రవేశిస్తున్నాయి. ఎలక్ట్రిక్ బైక్ విక్రయాల్లో అగ్రగామిగా ఉన్న రివోల్ట్ ఈ-కామర్స్ మార్కెట్ ద్వారా మరింత మంది కస్టమర్లను ఆకర్షించేందుకు ప్రయత్నిస్తోంది.
కొత్త రివోల్ట్ RV400 ఎలక్ట్రిక్ బైక్ మంచి పనితీరుతో ఎక్కువ మంది కస్టమర్లను ఆకర్షిస్తోంది. ఈ ఏడాది మార్చిలో, రాయ్పూర్, వాపి, బహదూర్ఘర్, ముంబై, ఔరంగాబాద్, భువనేశ్వర్, కోటా, ఆగ్రా, ఝాన్సీ, మీరట్, సూరత్, డెహ్రాడూన్, ఘజియాబాద్ మరియు ఫరీదాబాద్ వంటి భారతదేశంలోని వివిధ నగరాల్లో 15 కొత్త డీలర్షిప్లతో కంపెనీ తన ఉనికిని విస్తరించింది.
ఎలక్ట్రిక్ బైక్ మార్కెట్ లీడర్ రివోల్ట్ తన RV400 ఎలక్ట్రిక్ బైక్ బుకింగ్ల కోసం ఇ-కామర్స్ మార్కెట్ ప్లేస్ ఫ్లిప్కార్ట్తో తన సహకారాన్ని ప్రకటించింది. రివోల్ట్ యొక్క RV400 బైక్లు కొచ్చి పోలీస్ డిపార్ట్మెంట్ సముదాయానికి జోడించబడ్డాయి. రివోల్ట్ తన ఎలక్ట్రిక్ బైక్ కోసం తన కస్టమర్లకు అంతరాయం లేని కొనుగోలు అనుభవాన్ని అందిస్తున్నట్లు ప్రకటించింది.
Continue with Google