ఈ ఎలక్ట్రిక్ స్కూటర్లలో సిమ్ కార్డు ఉంటుందని మీకు తెలుసా.. దీనితో బోలెడు లాభాలు!

ఓలా ఎలక్ట్రిక్ ప్రస్తుతం భారతదేశంలో అత్యధికంగా ఎలక్ట్రిక్ స్కూటర్లను విక్రయిస్తూ మార్కెట్‌లో దూకుడు ప్రదర్శిస్తోంది. గత 9 నెలల్లో చూసుకుంటే ఓలా కంపెనీ వృద్ధి పెరుగుతూ వస్తోంది. దీంతో ప్రతినెలా అమ్మకాల్లో ఓలా అగ్రస్థానంలో కొనసాగుతోంది. ప్రస్తుతం మూడు స్కూటర్లను విక్రయిస్తోంది.

ఓలా ప్రస్తుతం S1 సిరీస్‌లో S1 ఎయిర్, S1 మరియు S1 ప్రో అనే మూడు ఎలక్ట్రిక్ స్కూటర్లను విక్రయిస్తోంది. ఈ మూడు ఎలక్ట్రిక్ స్కూటర్ల ముందు భాగంలో 7-అంగుళాల TFT డిస్‌ప్లేను కలిగి ఉంటుంది. వాహనం ప్రయాణిస్తున్నప్పుడు వేగం, పరిధి, బ్యాటరీ వంటి అనేక అంశాలు అందుల్లో ప్రదర్శింపబడతాయి.

ఓలా ఎలక్ట్రిక్ స్కూటర్‌పై ప్రయాణిస్తున్నప్పుడు.. స్క్రీన్‌లో మనం ప్రయాణించే ప్రదేశానికి సంబంధించిన మ్యాప్ ఉంటుంది. కానీ ఇక్కడ విషయమేమంటే మీరు మీ స్మార్ట్‌ఫోన్‌కి కనెక్ట్ చేయకుండానే ఇది పని చేస్తుంది. ఇంటర్నెట్ సదుపాయం లేకుండా ఈ యాప్ ఎలా పని చేస్తుందో తెలియక చాలా మంది అయోమయంలో ఉన్నారు. దీని గురించి ఇక్కడ పూర్తి విషయాలు ఈ కథనంలో..

ప్రయాణంలో మనకు తెలియని రూట్‌ను తెలుసుకోవడానికి మన సెల్ ఫోన్‌లలో గూగుల్‌ మ్యాప్స్‌ని ఎలా ఉపయోగిస్తామో అలాగే ఇది కూడా మ్యాప్‌తో వస్తుంది. దీన్ని మనం నావిగేట్‌ చేసుకువచ్చు. మీరు ప్రస్తుతం ఎక్కడ ఉన్నారు, ఎక్కడికి వెళ్లాలి అనే దాని గురించి మీరు పూర్తి సమాచారాన్ని పొందవచ్చు.

మీ సెల్ ఫోన్‌లో ఇంటర్నెట్‌ని ఆఫ్ చేసి ఉన్నా.. లేదంటే మీరు ఇంటర్నెట్ అందుబాటులో లేని ప్రదేశంలో ఉన్నా.. మీ మ్యాప్ పని చేయదు. అంతేకాకుండా మీరు ఎక్కడ ఉన్నరో కూడా చూపించదు. ఇది ఇంటర్నెట్ ఆధారిత యాప్ అని చాలా మందికి తెలిసిన విషయమే..

కానీ ఓలా ఎలక్ట్రిక్ స్కూటర్లలో పనిచేసే మ్యాప్ మన సెల్‌ఫోన్‌కు కనెక్ట్ చేయకుండానే మ్యాప్‌లో మన స్థానాన్ని మరియు పరిసర ప్రాంతాలను చూపిస్తుంది. ఇది ఎలా సాధ్యమని మీకు అనిపిస్తోందా.. దీనికి సంబంధించి పలు ప్రశ్నలు తలెత్తుతున్నాయి కదా.. వాటికి సమాధానాలు చెప్తాం.

దీనికి సమాధానం తెలుసుకోవాలంటే మనం మన సెల్ ఫోన్లలో ఎక్కువగా ఉపయోగించే ఒక విషయం తెలుసుకోవాలి. అదే గూగుల్ మ్యాప్ అప్లికేషన్. ఓలా స్కూటర్‌లో మ్యాప్ మై ఇండియా అనే యాప్ ఉంది. మ్యాప్ మై ఇండియా మరియు ఓలా మధ్య ఉమ్మడి ఒప్పందం ప్రకారం ఈ స్కూటర్‌లో మ్యాప్ సౌకర్యంతో వచ్చింది.

ఇది ఇంటర్నెట్ లేకుండా పనిచేసే మ్యాప్ కాదు. దీనికి కూడా ఇంటర్నెట్ అవసరం. అయితే ఓలా తన స్కూటర్‌లో ఈ ఇంటర్నెట్ సదుపాయాన్ని ఏర్పాటు చేసింది. అదేంటంటే ఓలా తాను తయారు చేసే ప్రతి ఎలక్ట్రిక్ స్కూటర్‌లో జియో సిమ్ కార్డ్‌లను ఇన్‌స్టాల్ చేయడానికి జియోతో జతకట్టింది.

ఈ సిమ్ కార్డ్‌ల ద్వారానే ఇంటర్నెట్ కనెక్ట్ చేయబడి వస్తుంది. స్కూటర్‌లోని ఇతర సాంకేతిక డేటా ఈ సిమ్‌కార్డ్‌ ద్వారా రన్ అవుతోంది. కానీ స్కూటర్‌లో ఇన్‌స్టాల్ చేసిన ఈ జియో సిమ్ కార్డ్‌తో మనం ఫోన్ కాల్స్ లేదా ఇతర ఇంటర్నెట్ వినియోగానికి ఉపయోగించుకోవడం కుదరదు.

ఇది ఎలక్ట్రిక్‌ స్కూటర్‌లో కమ్యూనికేషన్ కోసం మాత్రమే ఉపయోగించే సిమ్ కార్డ్ మాత్రమే. చాలా మంది ఓలా స్కూటర్ యజమానులకు ఈ విషయం తెలియదు. ఇంకా బెనిఫిట్‌ ఏంటంటే.. ఈ జియో సిమ్‌ కార్డును రీఛార్జ్ చేయవలసిన అవసరం లేదు. ఇది జీవితకాల సేవను అందించడానికి కంపెనీతో ఒప్పందం కుదుర్చుకుని రూపొందించబడింది.

ఓలా ఎలక్ట్రిక్ స్కూటర్‌లోని సిమ్‌ కార్డ్ మీరు స్కూటర్ కొనుగోలుకు చెల్లించే నగదుతో పాటు జీవితకాలం పాటు మీకు సేవలను అందిస్తుంది. తద్వారా మీరు జీవితకాలం పాటు నిరంతరాయంగా నావిగేషన్ సౌకర్యాన్ని పొందవచ్చు. దీనికి ప్రత్యేక రుసుము చెల్లించాల్సిన అవసరం లేదు.