రివోల్ట్ ఎలక్ట్రిక్ బైక్‌లపై ఎన్నడూ చూడని ఆఫర్లు.. ఏకంగా రూ. 15,000 తగ్గింపు

రివోల్ట్ మోటార్స్ తన RV400 మరియు RV400 BRZ మోడళ్ల ధరలను సవరించింది. ఈ సంవత్సరం ప్రారంభంలో, రివోల్ట్ RV400 BRZని రూ. 1.38 లక్షల ఎక్స్-షోరూమ్ ప్రారంభ ధరతో విడుదల చేయగా.. . తాజాగా దీని ధర రూ.10,000 పెరిగింది. ఇప్పుడు ఈ రెండు మోడళ్ల ధరను ఇప్పుడు రూ.5,000 తగ్గించింది. పూర్తి వివరాలు ఈ కథనంలో

దేశంలో ఎలక్ట్రిక్ వాహనాలకు క్రమంగా ఆదరణ పెరుగుతోంది. ముఖ్యంగా ఎలక్ట్రిక్ స్కూటర్లు, మోటార్ సైకిళ్ల తయారీ దిశగా ఆటో మొబైల్ కంపెనీలు దృష్టి సారిస్తున్నాయి. ఇంకా చాలా EV స్టార్టప్‌లు ప్రధానంగా ఎలక్ట్రిక్ స్కూటర్‌ల తయారీ దిశగా అడుగులు వేస్తున్నాయి. కాగా ఎలక్ట్రిక్ బైక్‌లను తయారు చేసే చాలా తక్కువ బ్రాండ్‌లు ఉన్నాయి.

రివోల్ట్ మోటార్స్(Revolt Motors) భారతదేశంలో అత్యంత ప్రజాదరణ పొందిన ఎలక్ట్రిక్ మోటార్‌సైకిల్ బ్రాండ్‌లలో ఒకటిగా ఉంది. రివోల్ట్ మోటార్స్ 2017లో ప్రారంభం కాగా.. ఇటీవలి సంవత్సరాలలో, భారతదేశంలో ఎలక్ట్రిక్ మోటార్‌సైకిల్ విభాగంలో తీవ్ర పోటీ నెలకొంది. కాగా ఇటీవల ఒకాయ వారి సబ్-బ్రాండ్ కింద డిస్రప్టర్ అనే కొత్త మోడల్‌ను పరిచయం చేయగా.. ఈ ఎలక్ట్రిక్ బైక్ కూల్ స్టైలింగ్ మరియు తక్కువ ధరలో లాంచ్ అయింది.

ఈ క్రమంలో ఇప్పుడు Revolt RV400 BRZ ధర రూ. 1.43 లక్షలు మరియు RV400 EV ధర రూ. 1.50 లక్షలు ఎక్స్-షోరూమ్ గా ఉంది. ఈ సందర్భంగా వీటి విక్రయాలను పెంచుకునేందుకు కంపెనీ పరిమిత కాలం పాటు గొప్ప ఆఫర్‌లను ప్రకటించింది. రెవోల్ట్ మోటార్స్ రెండు మోడళ్లపై రూ.10,000 ఫ్లాట్ తగ్గింపును అందిస్తున్నట్లు తెలిపింది.

ధరల తగ్గింపుతో ఇప్పుడు RV400 BRZ ధరను రూ. 1.33 లక్షలకు మరియు RV400 ధరను రూ. 1.40 లక్షలకు అందుబాటులో ఉంటుంది. ఇవి ఎక్స్-షోరూమ్ ధరలు. అదేవిధంగా మీరు మీ పాత ద్విచక్ర వాహనాన్ని మార్చుకుంటే రూ.5000 అదనపు తగ్గింపును అందిస్తోంది. మొత్తంగా మీరు Revolt RV400 BRZ ఎలక్ట్రిక్ బైక్‌ను ఇప్పుడు రూ. 1.28 లక్షల ఎక్స్-షోరూమ్ ధరలో కొనుగోలు చేయవచ్చు.

రివోల్ట్ RV400 BRZ అనేది రెండు ఎలక్ట్రిక్ బైక్‌లలో అత్యంత సరసమైన ధరలో అందుబాటులో ఉంది. ఈ రెండు ఎలక్ట్రిక్ మోటార్‌సైకిళ్లు ఒకే డిజైన్ మరియు మెకానికల్‌ ప్రమాణాలను పంచుకుంటాయి. ఈ రెండు బైక్‌లు 3.24 kWh బ్యాటరీ ప్యాక్ నుండి శక్తిని పొందుతాయి. ఇది ఎకో మోడ్‌లో 150 కి.మీ రేంజ్ ఇస్తుందని రివోల్ట్ మోటార్స్ వెల్లడించింది.

కాగా సాధారణ మోడ్‌లో పరిధి 100 కి.మీ మరియు స్పోర్ట్ మోడ్‌లో 80 కి.మీలకు రేంజ్ అందిస్తుంది. ఇక పవర్ 3 kW (4 bhp) మిడ్-డ్రైవ్ మోటార్ నుండి తీసుకుంటుంది. ఫీచర్ల పరంగా ఈ బైక్‌లలో అన్ని-LED లైటింగ్, రీజెనరేటివ్ బ్రేకింగ్, కాంబి బ్రేకింగ్, సైడ్-స్టాండ్ కట్-ఆఫ్ మరియు డిజిటల్ ఇన్‌స్ట్రుమెంట్ కన్సోల్ వంటి ఫీచర్లు ఉన్నాయి.

తలక్రిందులుగా ఉన్న ఫ్రంట్ ఫోర్కులు మరియు రియర్ మోనోషాక్ ఈ రెండు రివోల్ట్ బైక్‌లకు సస్పెన్షన్ విధులను నిర్వహించేందుకు దోహదపడతాయి. రెండు వైపులా డిస్క్ బ్రేకులు బ్రేకింగ్ డ్యూటీని నిర్వహిస్తాయి. రివోల్ట్ బైక్‌ల గ్రౌండ్ క్లియరెన్స్ 215 మిమీ కాగా సీటు ఎత్తు 814 మిమీగా ఉంది.

అంతే కాకుండా ఈ జీరో-ఎమిషన్ వాహనాలపై కంపెనీ ఐదేళ్ల లేదా 75,000 కి.మీ వారంటీని కూడా రివోల్ట్ మోటార్స్ అందిస్తుంది. సెగ్మెంట్‌లో, రివోల్ట్ RV400 టార్క్ క్రాటోస్ R, ఒబెన్ రోర్ మరియు స్విచ్ CSR762 వంటి వాటికి గట్టి పోటీనిస్తుంది.