24ఏళ్లుగా మన మనసులు కొల్లగొడుతున్న స్కూటర్.. ఇప్పటి వరకు 3.5కోట్ల మంది కొన్నారు

హోండా యాక్టివా (Honda Activa) భారతదేశంలో ప్రారంభమైనప్పటి నుండి ఇప్పటివరకు 3.5 కోట్ల అమ్మకాల మైలురాయిని అధిగమించింది. 2001లో ప్రారంభించబడిన ఈ స్కూటర్ (Scooter) నేటికీ భారత మార్కెట్‌లో అత్యధికంగా అమ్ముడవుతున్న టూ వీలర్లలో (Two-wheelers) ఒకటి. ప్రస్తుతం కంపెనీ యాక్టివా శ్రేణిలో యాక్టివా 110 (Activa 110), యాక్టివా 125 (Activa 125), యాక్టివా-ఐ (Activa-i), యాక్టివా ఇ (Activa e) మోడల్స్ ఉన్నాయి.

1999లో హీరో మోటోకార్ప్‌తో (Hero MotoCorp) జాయింట్ వెంచర్‌గా హోండా టూ-వీలర్ భారతదేశంలో ప్రవేశించింది. ఆ తర్వాత హెచ్ఎంఎస్‌ఐ (HMSI - Honda Motorcycle and Scooter India) కింద కంపెనీ మొదటి దేశీయ ఉత్పత్తి హోండా యాక్టివా 2001లో ప్రారంభించింది. ఇది త్వరలోనే ప్రతి ఇంటి పేరుగా మారింది.

కంపెనీ తెలిపిన వివరాల ప్రకారం, మొదటి కోటి కస్టమర్లను చేరుకోవడానికి అత్యధిక సమయం పట్టింది. యాక్టివా మొదటిసారిగా 2015లో కోటి అమ్మకాల మైలురాయిని చేరుకుంది. ఆ తర్వాత 2018లో 2 కోట్ల మార్కును అధిగమించింది. ఇప్పుడు 2025లో 3.5 కోట్ల మైలురాయిని చేరుకుంది. ఈ విజయం భారతీయ కస్టమర్ల ప్రగాఢ విశ్వాసం, ప్రేమను చూపుతుంది.

యాక్టివా గత 24 సంవత్సరాలుగా దేశంలో అత్యధికంగా అమ్ముడవుతున్న స్కూటర్‌గా నిలిచింది. 2001లో ప్రారంభమైనప్పటి నుండి, ఇది పూర్తిగా భారతదేశంలో తయారు చేయబడింది. ఇప్పటివరకు 3 కోట్లకు పైగా యూనిట్లు అమ్ముడయ్యాయి. ఇది దాని ప్రజాదరణ, విశ్వసనీయతకు నిదర్శనంగా చెప్పొచ్చు.

ప్రస్తుతం ఈ స్కూటర్ మూడు వేరియంట్లలో (Variants) అందుబాటులో ఉంది. యాక్టివా 110, యాక్టివా 125, కొత్త యాక్టివా ఇ. ఇవి విభిన్న కస్టమర్ల అవసరాలను దృష్టిలో ఉంచుకొని రూపొందించబడ్డాయి. యాక్టివా భారతదేశపు మొట్టమొదటి ఆటోమేటిక్ స్కూటర్లలో ఒకటిగా, గేర్ మార్చాల్సిన అవసరం లేకుండా సులభంగా నడపడం ద్వారా ప్రజల ప్రయాణాన్ని విప్లవాత్మకంగా మార్చింది.

దీని నమ్మకమైన ఇంజిన్, తక్కువ మెయింటెనెన్స్ కాస్ట్, మంచి మైలేజ్ దీన్ని కుటుంబాలకు, రోజు వారి ప్రయాణికులకు ఇష్టమైన బైకుగా మార్చాయి.

యాక్టివా 110: ఇందులో 109.51cc BS6 ఇంజిన్ ఉంది, ఇది 7.73 bhp పవర్, 8.9 Nm టార్క్ ఉత్పత్తి చేస్తుంది. దీని మైలేజ్ లీటరుకు 59.5 కిమీ, ధర రూ.78,684 నుండి ప్రారంభమవుతుంది.

యాక్టివా 125: ఇందులో 123.92cc ఇంజిన్ ఉంది, ఇది OBD2B ప్రమాణాలకు అనుగుణంగా ఉంటుంది. ఇది 8.3 bhp పవర్, 10.15 Nm టార్క్ ఉత్పత్తి చేస్తుంది. లీటరుకు 51.23 కిమీ మైలేజ్ ఇస్తుంది. దీని ప్రారంభ ధర రూ.82,257.

యాక్టివా ఇ (Activa e): ఈ మోడల్‌తో కంపెనీ భారతీయ ఎలక్ట్రిక్ టూ-వీలర్ మార్కెట్‌లో (Electric Two-wheeler Market) ప్రవేశించింది. దీని ధర రూ.1.17 లక్షల నుండి ప్రారంభమవుతుంది. ఇందులో 3 kWh బ్యాటరీ, 6 kW మోటార్ ఉన్నాయి, ఇది ఒక్కసారి ఛార్జ్ చేస్తే 102 కి.మీ. రేంజ్ అందిస్తుంది. ఇది పర్యావరణ స్పృహ ఉన్న వినియోగదారులను ఆకర్షిస్తుంది.

హోండా యాక్టివా భారతీయ కుటుంబాల జీవితంలో ఒక భాగమైపోయింది. దాని విశ్వసనీయత, సౌలభ్యం, నిరంతర ఆవిష్కరణలు ఈ స్కూటర్‌ను భవిష్యత్తులోనూ విజయపథంలో నడిపించే అవకాశం ఉంది.