ఆటోమేటిక్ టెర్రానో విడుదలకు సన్నద్దం అవుతున్న నిస్సాన్

రెనో సంస్థ తమ ఫ్మార్ములా వన్ బృందం ఈజీ-ఆర్ అనే సాంకేతికత గల ఆటోమేటిక్ ట్రాన్స్‌మిషన్ గేర్‌బాక్స్‌ను అభివృద్ది చేసింది. దీనిని నిస్సాన్ తమ టెర్రానొలో వినియోగించనుంది.

ప్రస్తుతం నిస్సాన్ టెర్రానొలో పెట్రోల్ మరియు డీజల్ ఇంధన ఆప్షన్లు గల ఇంజన్‌లు ఉన్నాయి. ఈ రెండింటిలో ఆటోమేటిక్ ట్రాన్స్‌మిషన్‌‌ను అందించి అతి త్వరలో విడుదల చేయనుంది.

నిస్సాన్ టెర్రానొలో 1.6-లీటర్ సామర్థ్యం ఉన్న పెట్రోల్ ఇంజన్ కలదు, ఇది సుమారుగా 103బిహెచ్‌పి పవర్ మరియు 145ఎన్ఎమ్ గరిష్ట టార్క్‌ను ఉత్పత్తి చేయును.

నిస్సాన్ తమ టెర్రానొ ఎస్‌యువిలో 1.5-లీటర్ సామర్థ్యం ఉన్న డీజల్ ఇంజన్‌ను కూడా అందించారు, ఇది సుమారుగా 84బిహెచ్‌పి పవర్ మరియు 109ఎన్ఎమ్ గరిష్ట టార్క్‌ను ఉత్పత్తి చేస్తుంది.

నిస్సాన్ తమ టెర్రానొలో ఈ ఆటోమేటిక్ ట్రాన్స్‌మిషన్‌లను పరిచయం చేస్తే రెండు కూడా సుమారుగా 110బిహెచ్‌పి పవర్ ఉత్పత్తి చేయవచ్చు. ఇంటీరియర్ మరియు ఎక్ట్సీరియర్‌లలో ఏ విధమైన మార్పులు చోటు చేసుకోవడం లేదు.

అయితే ఫీచర్ల పరంగా ఇందులో తాకే తెర గల మ్యూజిక్ ఇన్ఫోటైన్‌మెంట్ సిస్టమ్, న్యావిగేషన్ సిస్టమ్‌ మరియు ఆటోమేటిక్ క్లైమేట్ కంట్రోల్స్ రానున్నాయి.

నిస్సాన్ ఈ ఆటోమేటిక్ టెర్రానొ ఎస్‌యువిని వచ్చే పండుగ సీజన్ నాటికి మార్కెట్లోకి విడుదల చేయనుంది మరియు దీని ప్రారంభ వేరియంట్ ఆటోమేటిక్ టెర్రానొ ధర సుమారుగా రూ. 13.15 లక్షలు ఎక్స్ షోరూమ్ (ఢిల్లీ)గా ఉండే అవకాశాలు ఉన్నాయి.

• ఫ్యూచర్ మొత్తం ఎస్‌యువిలదే !! వరుసగా విడుదలకు సిద్దమైన SUVలు