మారుతి సుజుకి సియాజ్

మారుతి సుజుకి సియాజ్ రివ్యూ

మారుతి సుజుకి సియాజ్ ఎక్ట్సీరియర్ మరియు ఇంటీరియర్ డిజైన్

భారత మార్కెట్లో మారుతి సుజుకి సియాజ్ కంపెనీ యొక్క ప్రధాన మోడల్. సియాజ్ సెడాన్ ఇటీవల భారత మార్కెట్లో అప్డేట్ చేయబడింది. ఇది మునుపటి మోడల్‌తో పోలిస్తే అనేక కాస్మొటిక్ అప్డేట్స్ కలిగి చాలా అధునాతనంగా ఉంటుంది.

మారుతి సుజుకి సియాజ్ కొత్త డిజైన్‌తో వస్తుంది, ఇందులో క్రోమ్ పునర్నిర్మించిన గ్రిల్ ఉంది. ఫ్రంట్ గ్రిల్ ఇప్పుడు అప్‌డేట్ చేసిన ఎల్‌ఇడి ప్రొజెక్టర్ హెడ్‌ల్యాంప్‌లు మరియు డిఆర్‌ఎల్‌లను కలిగి ఉంటుంది. మారుతి సుజుకి ఫ్రంట్ బంపర్‌ను కూడా అప్‌డేట్ చేయబడింది. ఇది ఇప్పుడు ఫాగ్ లాంప్స్ కూడా కలిగి ఉంది. ఫాగ్ లాంప్స్ పై క్రోమ్ చుట్టూ, బంపర్ లార్జ్ ఎయిర్ ఇన్టేక్ కలిగి ఉంటుంది.

మారుతి సుజుకి సియాజ్ యొక్క సేడ్ ప్రొఫైల్ మరియు రియర్ ప్రొఫైల్ దాదాపుగా మార్దహు అలాగే ఉంటుంది. సియాజ్ సెడాన్ ఇప్పుడు 16 ఇంచెస్ అల్లాయ్ వీల్స్‌తో వస్తుంది, వెనుక భాగంలో అప్‌డేట్ చేయబడిన ర్యాప్-చుట్టూ ఎల్‌ఈడీ టెయిల్ లైట్లను పొందుతుంది.

మారుతి సుజుకి సియాజ్ యొక్క లోపలి భాగంలో అద్భుతమైన క్యాబిన్ ఉంటుంది. ఈ సెడాన్ ప్రీమియం అనుభూతిని పెంచడానికి ఇన్స్ట్రుమెంట్ క్లస్టర్ మరియు ఫాక్స్ వుడ్ ఇన్సర్ట్‌లపై కొత్త 4.2 ఇంచెస్ టిఎఫ్‌టి స్క్రీన్‌తో వస్తుంది.

మారుతి సుజుకి సియాజ్ ఇంజన్ మరియు పనితీరు

మారుతి సుజుకి సియాజ్ రెండు కొత్త ఇంజన్లతో పనిచేస్తుంది. అవి 1.5-లీటర్ పెట్రోల్ మరియు డీజిల్ ఇంజన్. కొత్త 1.5-లీటర్ కె 15 బి పెట్రోల్ ఇంజన్ 104 బిహెచ్‌పి మరియు 138 ఎన్ఎమ్ టార్క్‌ అందిస్తుంది. ఈ ఇంజిన్ 5 స్పీడ్ మాన్యువల్ లేదా 4 స్పీడ్ ఆటోమేటిక్ ట్రాన్స్మిషన్ తో జతచేయబడుతుంది.

ఇక 1.5-లీటర్ డిడిఐఎస్225 డీజిల్ యూనిట్ విషయానికి వస్తే, ఇది 94 బిహెచ్‌పి మరియు 225 ఎన్ఎమ్ టార్క్ ఉత్పత్తి చేస్తుంది. కొత్త డీజిల్ ఇంజిన్ మారుతి సుజుకి యొక్క కొత్త 6-స్పీడ్ మాన్యువల్ ట్రాన్స్మిషన్ కి జతచేయబడింది. మారుతి సుజుకి సియాజ్ లో పాత 1.3-లీటర్ డీజిల్ యూనిట్ 88 బిహెచ్‌పి మరియు 200 ఎన్ఎమ్ టార్క్ అందిస్తుంది. ఇది ఒకే 5 స్పీడ్ మాన్యువల్ గేర్‌బాక్స్‌తో జతచేయబడి ఉంటుంది.

మారుతి సుజుకి సియాజ్ ఇంధన సామర్థ్యం

మారుతి సుజుకి సియాజ్ ప్రస్తుతం మూడు ఇంజన్ వేరియంట్లలో లభిస్తుంది. ఇది 43 లీటర్ల ఇంధన ట్యాంక్ సామర్థ్యంతో ఉంటుంది. ఇందులోని పెట్రోల్ మాన్యువల్ వేరియంట్ లీటరుకు 21.56 కి.మీ పరిధిని, పెట్రోల్-ఆటోమేటిక్ వేరియంట్ లీటరుకు 20.28 కి.మీ పరిధిని మరియు కొత్త 1.5-లీటర్ డీజిల్ ఇంజిన్ లీటరుకి 26.82 కి.మీ మైలేజ్ అందిస్తుంది.

మారుతి సుజుకి సియాజ్ ముఖ్యమైన ఫీచర్లు

మారుతి సుజుకి కొత్త సియాజ్ చాలా వరకు అప్డేటెడ్ ఫీచర్స్ కలిగి ఉండటమే కాకుండా అప్డేటెడ్ పరికరాలను కూడా కలిగి ఉంటుంది. కొత్త మారుతి సుజుకి సియాజ్ సెడాన్ ఎల్‌ఇడి ప్రొజెక్టర్ హెడ్‌ల్యాంప్స్, ఎల్‌ఇడి రియర్ కాంబినేషన్ లాంప్స్, లెదర్ సీట్లు మరియు స్టీరింగ్ అపోల్స్ట్రే, ఇంటెలిజెంట్ కీ (పుష్ స్టార్ట్ / స్టాప్), ఎలక్ట్రికల్లీ అడ్జస్ట్ & ఫోల్డబుల్ ఓఆర్‌విఎమ్ లు, క్రూయిజ్ కంట్రోల్, కీలెస్ ఎంట్రీ, 7-ఇంచెస్ టచ్‌స్క్రీన్ ఇన్ఫోటైన్‌మెంట్ సిస్టమ్, వాయిస్ కమాండ్ సిస్టమ్ మరియు స్టీరింగ్-మౌంటెడ్ ఆడియో కంట్రోల్స్ ఉన్నాయి.

మారుతి సుజుకి సియాజ్‌లోని సేఫ్టీ ఫీచర్స్ విషయానికి వస్తే, ఇందులో ఎయిర్‌బ్యాగులు, ఎబిఎస్ విత్ ఈబిడి, రివర్స్ పార్కింగ్ కెమెరా, సీట్-బెల్ట్ రిమైండర్‌లు, హై-స్పీడ్ వార్ణింగ్ సిస్టం, యాంటీ-తెఫ్ట్ సిస్టమ్, డే అండ్ నైట్ ఐఆర్‌విఎం, ఎలక్ట్రానిక్ స్టెబిలిటీ ప్రోగ్రామ్ మరియు హిల్ హోల్డ్ వంటివి ఉన్నాయి.

మారుతి సుజుకి సియాజ్ తీర్పు

భారత మార్కెట్లో మారుతి సుజుకి సియాజ్ బ్రాండ్ నుండి అత్యధికంగా అమ్ముడైన కార్లలో ఒకటి. సియాజ్ సెడాన్ మార్కెట్లో ప్రసిద్ధ కారు, మంచి పనితీరుని అందించడమే కాకుండా మంచి పనితీరుని కూడా అందిస్తుంది. ఈ కారు మంచి మైలేజ్ కూడా అందిస్తుంది. కావున లాంగ్ డ్రైవ్ కి కూడా చాలా అనుకూలంగా ఉంటుంది.