క్రికెట్ దేవుడు సచిన్ టెండుల్కర్‌కు వీడ్కోలు.. సుధాకర్ స్టైల్‌లో

ఈనెల 14 బాలల దినోత్సవాన్ని పురస్కరించుకొని స్టేషనరీ కార్లను తయారు చేసిన సుధాకర్, ఇప్పుడు సచిని జ్ఞాపకార్థం బ్యాట్, బాల్ ఆకారంలో ఉండే కార్లను తయారు చేశాడు.

క్రికెట్ దేవుడికి దండం అనే క్యాప్షన్‌తో సచిన్ వరల్డ్ కప్ పట్టుకొని ఉండే ఫొటోతో కూడిన బంతి ఆకారంలో ఉండే కారును సుధాకర నగర రోడ్లపై నడిపి చూపారు.

అలాగే క్రికెట్ బ్యాట్ ఆకారంలో ఉండే కారుపై ఇదే క్యాప్షన్‌తో పాటు అనేక సచిన్ ఫొటోలను అంటించారు. (గడచిన వరల్డ్ కప్ సమయంలో సుధాకర్ వరల్డ్ కప్ ఆకారంలో ఉండే కారును కూడా డిజైన్ చేశాడు).

హైదరాబాద్‌కు చెందిన సుధాకర్ గడచిన 25 సంవత్సరాలుగా ఇలాంటి విచిత్రమైన వాహనాలను తయారు చేస్తున్నాడు. సుధాకర్ సృజనాత్మకతను గుర్తించిన గిన్నిస్ బుక్ ఆఫ్ వరల్డ్ రికార్డ్ యాజమాన్యం అతనిని సత్కరించింది.

సుధాకర్ ఇప్పటివరకు 38 రకాల కార్లను వివిధ రకాల ఆకారాలలో తయారు చేశారు. డైనింగ్ టేబుల్ కార్, సోఫాసెట్ కార్, కంప్యూటర్ కార్, హెల్మెట్ కార్, క్రికెట్ బాల్ కార్, సిగరెట్ బైక్ ఇలా చెప్పుకుంటూ పోతే సుధాకర్ తయారు చేసిన కార్ల జాబితా చాంతాడంత అవుతుంది.

సుధాకర్ గడచిన సంవత్సరం ఫిబ్రవరి నెలలో 'సుధా వాకీ కార్స్ షో" పేరుతో నెక్లెస్ రోడ్డు పీపుల్స్ ప్లాజాలో ఓ ప్రదర్శనను కూడా నిర్వహించాడు.

ప్రపంచంలోనే ఈ తరహా ప్రదర్శన ఇదే మొట్టమొదటిదని సుధాకార్ తెలిపారు. ఈ షోలో వివిధ బంతుల ఆకారంలో ఉండే కార్లు, ఫార్ములా వన్ డిజైన్ కలిగిన కారు, కాఫీ మగ్ ఆకారంలో ఉండే కారు వంటి ఎన్నో డిజైన్లను ఆయన ప్రదర్శించారు.

సచిన్ టెండుల్కర్‌కు సంబంధించిన మరిన్ని ఆసక్తికర విషయాల కోసం ఈ లింక్‌పై క్లిక్ చేయండి.