డబ్ల్యూఆర్-వి విడుదలను సూచిస్తూ, హోండా టీజర్

Written By:

హోండా మోటార్స్ దేశీయంగా తమ ఉత్పత్తుల సామర్థ్యాన్ని పెంచుకునేందుకు సిద్దమయ్యింది. మార్చి 16, 2017 న క్రాసోవర్ వేరియంట్ డబ్ల్యూఆర్-వి ను విడుదల చేయడానికి ఏర్పాట్లన్నీ దాదాపు పూర్తి చేసుకుంది.

జపాన్ దిగ్గజం హోండా మోటార్స్ యొక్క జాజ్ ప్రీమియమ్ హ్యాచ్‌బ్యాక్ ఆధారంతో రూపొందించబడిన డబ్ల్యూఆర్-వి విడుదలను సూచిస్తూ టీజర్ ఫోటోను విడుదల చేసింది. అగ్రెసివ్ ఫ్రంట్ డిజైన్ మీద దృష్టి సారిస్తూ, పెద్ద పరిమాణంలో గీతలున్న బ్యానెట్, రూఫ్ రెయిల్ మరియు ప్లాస్టిక్ క్లాడింగ్‌తో రానుంది.

ఎక్ట్సీరియర్ డిజైన్ మీజ దృష్టి పెడితే రీ డిజైన్ చేయబడిన ఫ్రంట్ హెడ్ ల్యాంప్స్, గుండ్రటి ఆకారంలో ఉన్న ఫాగ్ ల్యాంప్స్, క్రోమ్ డోర్ హ్యాండిల్స్, డైమండ్ కట్ అల్లాయ్ వీల్స్ కలవు.

ఇంటీరియర్‌లో స్పోర్టివ్ తాకే తెర గల ఇన్ఫోటైన్‌మెంట్ సిస్టమ్ మరియు ఆటోమేటిక్ క్లైమేట్ కంట్రోల్ కలదు.

హోండా డబ్ల్యూఆర్-విలో పెట్రోల్ మరియు డీజల్ రెండు ఇంజన్ ఆప్షన్‌లు ఉన్నాయి. క్రాసోవర్ హ్యాచ్‌బ్యాక్ పెట్రోల్ వెర్షన్‌లో 89బిహెచ్‌పి పవర్ మరియు 110ఎన్ఎమ్ టార్క్ ఉత్పత్తి చేయగల 1.2-లీటర్ సామర్థ్యం గల ఐ-విటిఇసి పెట్రోల్ ఇంజన్ కలదు.

డబ్ల్యూఆర్-వి లోని డీజల్ వెర్షన్‌లో 99బిహెచ్‌పి పవర్ మరియు 200ఎన్ఎమ్ గరిష్ట టార్క్ ఉత్పత్తి చేయగల 1.5-లీటర్ సామర్థ్యం ఉన్న ఐ-డిటిఇసి డీజల్ ఇంజన్ కలదు. రెండు ఇంజన్‌లను కూడా జాజ్ హ్యాచ్‌బ్యాక్ నుండి సేకరించి ఇందులో అందిస్తున్నారు.

డబ్ల్యూఆర్-వి మోడల్ ఇండియన్ మార్కెట్లో హోండా మోటార్స్‌కు అత్యంత ముఖ్యమైన మోడల్‌గా నిలవనుంది. ఇది సుమారుగా రూ. 7 లక్షల నుండి 9 లక్షల మధ్య ఎక్స్ షోరూమ్ ప్రారంభ ధరతో విడుదలయ్యే అవకాశం ఉంది.

డబ్ల్యూఆర్-వి పూర్తి స్థాయిలో అమ్మకాలకు సిద్దమైతే, ప్రస్తుతం విపణిలో ఉన్న ఫోర్డ్ ఎకో స్పోర్ట్, మారుతి సుజుకి వితారా బ్రిజా, హ్యుందాయ్ ఐ20 ఆక్టివ్ మరియు టయోటా ఎటియోస్ క్రాస్ వంటి మోడళ్లకు గట్టి పోటీనివ్వనుంది.

 

Click to compare, buy, and renew Car Insurance online

Buy InsuranceBuy Now

English summary
Honda WR-V Teased Ahead Of India Launch — Will It Be Tough Enough?
Please Wait while comments are loading...

Latest Photos