టాటా హెక్సా ధరలు లీక్

టాటా అధికారిక వెబ్‌సైట్లో టెస్ట్ డ్రైవ్ ఆప్షన్‌లో హెక్సా ప్రారంభ ధర రూ. 12.30 లక్షలు అని ప్రచురించబడింది. అయితే వెంటనే గమనించిన టాటా అధికారులు దీని స్థానంలో వేరే టెక్ట్స్ ప్రచురించారు.

ఇది మానవ తప్పిదమా లేక పోతే సాంకేతిక లోపమా అనేది అటుంచితే టాటా హెక్సా ప్రారంభ ధర రూ. 12.30 లక్షలుగా ఉంటుందనేది దాదాపుగా ఖాయమైందని చెప్పుకోవాలి.

టాటా హెక్సా మొత్తం తొమ్మిది ట్రిమ్ లలో ఆరు వేరియంట్లుగా లభ్యం కానుంది. ఈ ఎమ్‌పివి వాహనాన్ని వినియోగదారులు 6 మరియు 7 సీటింగ్ సామర్థ్యంతో ఎంచుకోవచ్చు. ఇక మార్కెట్లోకి విడుదలయితే టాటా సంస్థకు ఫ్లాగ్‌షిప్ మోడల్‌గా నిలవనుంది.

సాంకేతికంగా హెక్సా ఎమ్‌పివి 2.2-లీటర్ సామర్థ్యం గల వారికోర్ డీజల్ ఇంజన్‌తో రానుంది. ఇది రెండు రకాలుగా పవర్ మరియు టార్క్ ఉత్పత్తి చేయును.

హెక్సాలోని వారికోర్ 300 వేరియంట్ గరిష్టంగా 148బిహెచ్‌పి పవర్ మరియు 320ఎన్ఎమ్ టార్క్ ఉత్పత్తి చేయును. ఇది 5-స్పీడ్ లేదా 6-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్‌లతో పరిచయం కానుంది.

హెక్సా లోని మరో డీజల్ ఇంజన్ వేరియంట్ వారికోర్ 400 గరిష్టంగా 154బిహెచ్‌పి పవర్ మరియు 400ఎన్ఎమ్ గరిష్ట టార్క్ ఉత్పత్తి చేయును. అయితే ఇది 6-స్పీడ్ ఆటోమేటిక్ ట్రాన్స్‌మిషన్ గల గేర్‌బాక్స్ అనుసంధానంతో రానుంది.

టాటా హెక్సా ఎమ్‌పివి మార్కెట్లోకి విడుదలయితే ప్రస్తుతం మార్కెట్లో ఉన్న మహీంద్రా ఎక్స్‌యూవీ500, టయోటా ఇన్నోవా క్రిస్టా మరియు రెనో లాజీ వంటి వాటితో పోటీపడనుంది.

• ఇక మీదట హైదరాబాద్ లో కార్లు కొనడం కష్టమే: ఎందుకంటే...?
• బేబీ డాల్ సన్నీలియోన్ అభిమానుల కోసం మాత్రమే....!!
• చివరి దశ పరీక్షలను పూర్తిచేసుకుంది, ఇక విడుదలే...!!