కార్ యాక్సిడెంట్‌లో ఫాస్ట్ అండ్ ఫ్యూరియస్ నడుటు 'పౌల్ వాకర్' మృతి

ఈ ప్రమాదంలో కారు నుజ్జునుజ్జు అయ్యి, మంటల్లో కాలి బూడిదైంది. ఈ భీకర కార్ యాక్సిడెంట్‌లో పౌల్ వాకర్‌తో పాటుగా అతని స్నేహితుడు కూడా మృతి చెందాడు. ఈ విషయాన్ని పౌల్ వాకర్ అధికారిక ఫేస్‌బుక్ ఫ్యాన్ పేజ్ మరియు ట్విట్టర్ పేజ్‌లలో ధృవీకరించారు.

పౌల్ వాకర్ మృతితో యావత్ హాలీవుడ్ తీవ్ర దిగ్భ్రాంతికి గురైంది. సోషల్ నెట్‌వర్కింగ్‌లో ఆయనకు అనేక మంది సానుభూతి తెలిపారు.

ఇదిగో ఈ ఫొటోలో కనిపిస్తున్న కారులో వెళ్తుండగానే, పౌల్‌కు ప్రమాదం జరిగింది. అంతేకాదు, ఇదే పౌల్ చివరి ఫోటో కూడా. పౌల్ శాంటా క్లారిటాకు బయలుదేరే ముందుగా తీసిన ఫొటో ఇది.

ఇప్పటి వరకు మొత్తం 6 ఎడిషన్‌ల ఫాస్ట్ అండ్ ఫ్యూరియస్ సినిమాలు వచ్చాయి. ఇందులో టోక్యో డ్రిఫ్ట్ మినహా అన్ని చిత్రాల్లోను పౌల్ వాకర్ నటించాడు. ప్రస్తుతం 7వ ఎడిషన్ ఫాస్ట్ అండ్ ఫ్యూరియస్ సినిమా తెరకెక్కుతోంది.

ఫాస్ట్ అండ్ ఫ్యూరియస్‌తో పాటుగా పౌల్ వాకర్ అనేక హాలీవుడ్ చిత్రాల్లో నటించాడు. పౌల్ చివరి చిత్రం 'పాన్ షో క్రానికల్స్' అనే కామెడి డ్రామా. ఈ చిత్రంలో పౌల్‌తో పాటుగా మ్యాట్ డిల్లన్, బెర్నాండ్ ఫ్రాసెర్‌లు నటించారు.

ఈ ఫోటోను పౌల్ నిన్న తన పేస్‌బుక్ పేజ్‌లో - The boys are back. Will you be ready? - (మేము సిద్ధం.. మీరు సిద్ధమేనా) అనే ట్యాగ్‌తో షేర్ చేశాడు.

పౌల్ వాకర్ ఆత్మకు శాంతి కలగాలని డ్రైవ్‌స్పార్క్ కోరుకుంటూ, పౌల్ కుటుంబానికి సానుభూతిని తెలియజేస్తుంది.