బరాక్ ఒబామా విమానంలో ఏముందో చూసొద్దాం రండి..!

తర్వాతి స్లైడ్‌లలో అమెరికా అధ్యక్ష విమానం 'ఎయిర్ ఫోర్స్ వన్'కు సంబంధించిన మరింత సమాచారాన్ని తెలుసుకోండి.

ఎయిర్ ఫోర్స్ వన్‌గా పిలిచే ఈ విమానం వాస్తవానికి ఓ 'బోయింగ్ 747-200బి' విమానం.

అమెరికా సంయుక్త రాష్ట్రాల అధ్యక్షుడు ప్రయాణించే అమెరికా వైమానిక దళానికి చెందిన విమానం యొక్క అధికారిక ఎయిర్ ట్రాఫిక్ కంట్రోల్ కాల్ సైన్‌ను (పిలిచే పేరును) ఎయిర్ ఫోర్స్ వన్ అంటారు. ఈ కాల్ సైన్‌ను 1953లో అప్పటి ప్రెసిడెంట్ ఎల్సెన్‌హోవర్ హయాంలో సృష్టించారు.

అధ్యక్షులు ఎక్కడి నుంచైనా సరే అమెరికాను పాలించే విధంగా, ఈ విమానంలో పూర్తిస్థాయి ఆఫీస్ సెటప్ ఉంటుంది. మొత్తం 87 టెలిఫోన్లు, 19 టెలివిజన్లతో కూడిన టెలికమ్యూనికేషన్ వ్యవస్థను ఇందులో జోడించారు.

ప్రెసిడెంట్ ఉపయోగిస్తున్న బీస్ట్ (కాడిలాక్) మాదిరిగానే ఈ ఎయిర్ ఫోర్స్ వన్ (బోయింగ్ 747-200బి) విమానాలు కూడా రెండు ఉంటాయి.

ఈ రెండు విమానాలలో, ఏ విమానంలో ప్రెసిడెంట్ వెళ్తున్నారనే విషయాన్ని కనుక్కోవటం కష్టం. ఆగంతకులను కన్ఫ్యూజ్ చేసేందుకు మార్గమధ్యంలో ఇవి అటూ ఇటూ మారుతూ వెళ్తాయట.

అమెరికా ప్రెసిడెంట్ ఎక్కిడికి వెళ్లినా ఆయనతో పాటుగా ఈ రెండు బోయింగ్ విమానాలు మరియు ఓ చార్టెడ్ జంబో జెట్ విమానం (ఆఫీస్ స్టాప్, సెక్యూరిటీ స్టాఫ్ కోసం) కూడా వెళ్తుంది.

ఎయిర్ ఫోర్స్ విమానంలో ఉండే కమ్యానికేషన్ సెంటర్ అత్యంత బలమైనది. దాదాపు 386 కిలోమీటర్ల మేర వైరింగ్ షీల్డ్‌తో రూపొందించబడిన ఈ కమ్యూనికేషన్ వ్యవస్థ, న్యూక్లియర్ పేలుడు జరిగినా సరే సమర్థవంతంగా పనిచేయగలిగే శక్తిని కలిగి ఉంటుంది.

ఈ విమానంలో ఓ ప్రత్యేక మెడికల్ ఆఫీస్ కూడా ఉంటుంది. ఇందులో ఓ ఫోల్డవుట్ ఆపరేటింగ్ టేబుల్, ఎమర్జెన్సీ మెడికల్ సప్లయ్స్, తగినన్ని వైద్య పరికరాలు, ఔషదాలు అందుబాటులో ఉంటాయి. ప్రెసిడెంట్ ప్రైవేట్ ఆఫీస్ లేదా ఓవల్ ఆఫీస్ అబోర్డ్ ఎయిర్ ఫోర్స్ వన్‌లో ఓ డాక్టర్, నర్స్ ఉంటారు.

విమానంలో కూర్చునే అమెరికా అధ్యక్షుడు ప్రజలను ఉద్దేశించి ప్రసంగం చేసే వెసలుబాటు కూడా ఈ విమానంలో ఉంటుంది.

ఈ విమానంలో ఓ కాన్ఫరెన్స్ రూమ్ ఉంటుంది. ఇందులో ఓ పెద్ద ప్లాస్మా స్క్రీన్ టెలివిజన్ ఉంటుంది. టెలికాన్ఫరెన్సింగ్ కోసం ఈ స్క్రీన్‌ను ఉపయోగిస్తుంటారు.

ప్రెసిడెంట్ విశ్రాంతికి అవసరమైన సకల సదుపాయాలు ఇందులో ఉంటాయి. అలాగే, ఆయనకు ఆహారం సరఫరా చేసేందుకు ఇందులో తగిన ఏర్పాట్లు, వంటగదులు ఉంటాయి.

ఇక చివరగా.. ఇందులో డిఫెన్స్ సిస్టమ్ (భద్రతా వ్యవస్థ) కూడా ఉంటుంది. ఎదురుగా దూసుకువచ్చే మిస్సైళ్ల దారి మళ్లించేందుకు అవసరమైన అధునాతన సాంకేతిక వ్యవస్థ ఇందులో ఉంటుంది.