కెటిఎమ్ 250పై ఆధిపత్యానికి పల్సర్ 250 బైకును సిద్దం చేస్తున్న బజాజ్ ఆటో

రిపోర్ట్స్ ప్రకారం, యుజి6 పల్సర్ శ్రేణిలోని 150సీసీ నుండి 250సీసీ సిరీస్‌లో ఉన్న ఇంజన్‌లను కొత్తగా డిజైన్ చేస్తోంది. ప్రస్తుతం, 220సీసీ పల్సర్ బైకును బజాజ్ విక్రయిస్తోంది. దీనికి అదనంగా అత్యంత పాపులర్ చెందిన 250సీసీ సెగ్మెంట్లోకి పల్సర్ బ్రాండును పరిచయం చేసిన సరికొత్త పల్సర్ 250 బైకును విడుదల చేసేందుకు సన్నాహాలు చేస్తోంది.

ప్రస్తుతం, బజాజ్ పల్సర్ పలు రకాల ఇంజన్ వేరియంట్లలో లభ్యమవుతోంది. విభిన్న కస్టమర్లను అకట్టుకునేందుకు 135, 150, 180 మరియు 200తో పాటు పల్సర్ ఆర్ఎస్200, ఎన్ఎస్200 మరియు ఎన్ఎస్160 బైకులు విపణిలో ఉన్నాయి.

బజాజ్ నుండి ఇటీవల అందిన రిపోర్ట్స్ మేరకు, బజాజ్ తమ ఎంట్రీ లెవల్ పల్సర్ మోడల్ పల్సర్ 135 బైకును ఆశించిన సేల్స్ లభించకపోవడంతో మార్కెట్ నుండి తొలగించింది. పల్సర్ శ్రేణి యొక్క నూతన 2018 వెర్షన్ బైకులను పలు కాస్మొటిక్ అప్‌డేట్స్‌తో రానున్న రోజుల్లో లాంచ్ చేసే అవకాశం ఉంది.

నూతన పల్సర్ 250 మోటార్ సైకిల్ పలు అధునాత ఫీచర్లు మరియు యాంటీ-లాక్ బ్రేకింగ్ సిస్టమ్ ఫీచర్‌తో లభించే అవకాశం ఉంది. ఫ్యూయల్ ఇంజెక్షన్, లిక్విడ్ కూలింగ్ సిస్టమ్, ఇప్పటి వరకు పరిచయం కానీ మరియు అత్యంత అగ్రెసివ్ శైలిలో ఉండే డిజైన్ వంటి ప్రత్యేకతలు ఈ నూతన పల్సర్ 250 సొంతం అని చెప్పవచ్చు.

యుజి6 పల్సర్ సిరీస్ బైకుల కోసం సిద్దం చేస్తున్న నూతన ఇంజన్ ఫ్లాట్‌ఫామ్ 2019 నాటికి పరిచయం చేసే అవకాశం ఉంది. మరియు పల్సర్ 250 బైకును కూడా 2019లోనే విడుదల చేయవచ్చు. అయితే, పల్సర్ 250 విడుదలతో పల్సర్ 220 బైకును మార్కెట్ నుండి తొలగించే అవకాశం ఉంది.

డ్రైవ్‌స్పార్క్ తెలుగు అభిప్రాయం!

భారత్‌లో అత్యంత ప్రజాదరణ పొందిన బైకుల్లో బజాజ్ పల్సర్ బ్రాండ్ ఒకటి. బజాజ్ పల్సర్ శ్రేణిలో ఉన్న అన్ని బైకులు ధరకు తగ్గ విలువలు మరియు అత్యుత్తమ పనితీరుకు నిదర్శనం. తాజాగా, పల్సర్ 250 బైకును అభివృద్ది చేస్తుండటంతో మార్కెట్లో ఈ బైకు భారీ మార్పులకు తెరదించనుంది.

ఇది పూర్తి స్థాయిలో విడుదలైతే, విపణిలో ఉన్న కెటిఎమ్ డ్యూక్ 250 మరియు యమహా ఎఫ్‌జడ్25 బైకులతో పోటీపడనుంది.