బిఎస్ 6 బెనెల్లి ఇంపీరియల్ 400 బైక్ : ధర & ఇతర వివరాలు

కొత్త బెనెల్లి ఇంపీరియల్ 400 బిఎస్ 6 మోడల్‌ను ఇప్పుడు భారతదేశం అంతటా ఏదైనా బ్రాండ్ డీలర్‌షిప్‌ల ద్వారా 6,000 రూపాయలకు ఆన్‌లైన్‌లో బుక్ చేసుకోవచ్చు. దీని కోసం డెలివరీలు వచ్చే నెలలో ఎప్పుడైనా ప్రారంభమయ్యే అవకాశం ఉంది.

ఎక్స్-షోరూమ్ (ఇండియా) ప్రారంభ ధర రూ. 1.69 లక్షలతో గత ఏడాది అక్టోబర్‌లో ఈ మోటార్‌సైకిల్‌ను విడుదల చేశారు. ఈ కొత్త బైక్ 374 సిసి సింగిల్ సిలిండర్ ఎయిర్-కూల్డ్ ఇంజిన్ కలిగి ఉంటుంది. ఈ ఇంజిన్ 6000 ఆర్‌పిఎమ్ వద్ద 20 బిహెచ్‌పి మరియు 3500 ఆర్‌పిఎమ్ వద్ద 29 ఎన్ఎమ్ పీక్ టార్క్ ఉత్పత్తి చేస్తుంది. ఇది 5-స్పీడ్ గేర్‌బాక్స్‌తో జతచేయబడి ఉంటుంది.

ఈ బైక్ లో బిఎస్ 6 ఇంజిన్ అప్‌డేట్ మినహా, ఇతర మార్పులు చేయలేదు. ఇంపీరియల్ 400 దాని బిఎస్ 4 మోడల్ మాదిరిగానే 205 కిలోల బరువును కలిగి ఉంది. సస్పెన్షన్ ముందు భాగంలో అదే 41 మిమీ టెలిస్కోపిక్ ఫోర్కులు మరియు వెనుక భాగంలో షాక్ అబ్జార్బర్స్ చేత నిర్వహించబడుతున్నాయి.

ఈ బైక్ యొక్క బ్రేకింగ్ వ్యవస్థను గమనించినట్లయితే దీని ముందు మరియు వెనుక వైపు వరుసగా 300 మిమీ మరియు 240 మిమీ డిస్కులచే నిర్వహించబడుతుంది. అంతే కాక ఇందులో స్టాండర్డ్ డ్యూయెల్ ఛానల్ ఎబిఎస్ కూడా ఉంటుంది.

ఈ మోటారుసైకిల్ అదే రెట్రో-క్లాసిక్ డిజైన్‌ కలిగి ఉంటుంది. ఇందులో టియర్-డ్రాప్ ఆకారపు ఇంధన ట్యాంక్, క్లీన్ లైన్లు, రెట్రో-తీమ్డ్ అనలాగ్ ఇన్స్ట్రుమెంట్ క్లస్టర్, రెండు వైపులా స్పోక్ వీల్స్ కలిగి ఉంటుంది.

బెనెల్లి ఇంపీరియల్ 400 బిఎస్ 6 కూడా అదే మూడు కలర్ ఆప్షన్లలో వస్తుంది. అవి రెడ్, బ్లాక్ మరియు సిల్వర్ కలర్స్.

భారతదేశంలో బెనెల్లి ఇంపీరియల్ 400 బిఎస్ 6 లాంచ్ పై డ్రైవ్‌స్పార్క్ అభిప్రాయం :

బెనెల్లి ఇంపీరియల్ 400 భారత మార్కెట్లో చాలామంది వినియోగదారులను ఆకర్షించింది. ఈ ఇంపీరియల్ 400 బైక్ జావా మోటార్ సైకిల్స్ మరియు రాయల్ ఎన్ఫీల్డ్ క్లాసిక్ 350 లకు ప్రత్యర్థిగా ఉంటుంది. ఈ బైక్ చూడటానికి ఆకర్షణీయంగా ఉండటమే కాకుండా వాహనదారునికి మంచి డ్రైవింగ్ అనుభూతిని కూడా ఇస్తుంది.