'మేక్-ఇట్-యువర్స్' ప్రాజెక్ట్ ప్రారంభించిన రాయల్ ఎన్‌ఫీల్డ్ ; ఎందుకో తెలుసా ?

గూగుల్ ప్లేస్టోర్ నుండి రాయల్ ఎన్ఫీల్డ్ అపెరల్ మొబైల్ యాప్ డౌన్‌లోడ్ చేయడం ద్వారా రాయల్ ఎన్‌ఫీల్డ్ దుస్తులు కొనుగోలు చేయవచ్చు. అప్లికేషన్‌ను డౌన్‌లోడ్ చేసిన తర్వాత మీరు ఎంచుకున్న ఉత్పత్తులను కస్టమైజ్ చేసుకోవచ్చు. ఈ ఉత్పత్తులలో హెల్మెట్లు మరియు టీ-షర్టులు కూడా చేర్చబడ్డాయి.

టీ-షర్టు మరియు హెల్మెట్ యొక్క రంగు మాత్రమే కాకుండా, దానిపై గ్రాఫిక్స్ కూడా వినియోగదారునికి నచ్చినట్లు మార్చుకోవచ్చు. టీ-షర్టుపై ప్రింటింగ్ మార్చే అప్సన్ కూడా ఇందులో ఇవ్వబడింది.

ఈ యాప్‌లో హెల్మెట్ యొక్క ప్రారంభ ధర రూ .3,200 కాగా టీ షర్ట్ ప్రారంభ ధర రూ. 1,250 గా నిర్ణయించబడింది. ఈ యాప్ ద్వారా కొనుగోలు చేసిన తరువాత కేవలం మీ ప్రోడక్ట్ 15 నుంచి 20 రోజుల్లో డెలివరీ చేయబడుతుంది. ఈ మేక్ ఇట్ యువర్స్ ప్రాజెక్ట్ గత సంవత్సరం మీటీయార్ 350 మరియు 650 ట్విన్ బైక్‌లతో ప్రారంభించబడింది.

రాయల్ ఎన్ఫీల్డ్ యొక్క మేక్ ఇట్ యువర్స్ ప్రాజెక్ట్ కింద, హెల్మెట్ల కోసం 7,000 కస్టమైజేషన్ అప్సన్స్ అందించబడతాయి. హెల్మెట్ యొక్క కలర్ మార్చడంతో పాటు, హెల్మెట్ యొక్క స్టిక్కర్ మరియు దానిపై నెంబర్ కూడా మార్చుకోవచ్చు. టీ-షర్టుపై 15 వేలకు పైగా కస్టమైజేషన్ ఎంపికలను కంపెనీ అందిస్తుంది.

వీటిలో టీ-షర్టుపై ప్రింట్, రైటింగ్, గ్రాఫిక్స్ మరియు కలర్ మార్పులు వంటివి ఉన్నాయి. మీ బైక్ యొక్క నెంబర్ కూడా ఎంచుకున్న టీ షర్టుపై వ్రాయించుకోవచ్చు. ఈ ప్రాజెక్టుకు వినియోగదారుల నుండి గొప్ప స్పందన లభిస్తోందని కంపెనీ తెలిపింది.

రాయల్ ఎన్‌ఫీల్డ్ తన బైక్‌ల ధరను 2021 జనవరి నుంచి రూ. 200 నుంచి రూ. 3000 వరకు పెంచింది. రాయల్ ఎన్‌ఫీల్డ్ హిమాలయన్, క్లాసిక్ 350 మరియు 650 ట్విన్ బైక్‌ల కొత్త మోడళ్లను రాబోయే రోజుల్లో విడుదల చేయడానికి కంపెనీ సిద్ధమైంది.

క్లాసిక్ 350 మరియు కాంటినెంటల్ జిటి 650 బైక్‌ల కొత్త మోడళ్లను ఇటీవల కంపెనీ టెస్ట్ చేసింది. 2020 డిసెంబర్‌లో రాయల్ ఎన్‌ఫీల్డ్ 65,492 బైక్‌ల అమ్మకాలతో దాదాపు 35% పెరుగుదల కనపరిచిందని నివేదికలు చెబుతున్నాయి. ఏది ఏమైనా ఇటీవల కాలంలో రాయల్ ఎన్‌ఫీల్డ్ అమ్మకాలు దేశీయ మార్కెట్లో పరుగులుపెడుతున్నాయి. కంపెనీ నుంచి రానున్న కొత్త ఉత్పతులు కూడా రాబోయే కాలంలో మరింత మెరుగైన అమ్మకాలను కనపరచడానికి సహాయపడతాయి.