కొడియాక్ ఆధారిత 2018 స్కోడా యెటి ప్రదర్శన

స్కోడా 2018 యెటి 2017 ఏడాది మధ్య భాగానికి సందర్శకుల ముందుకు రానుంది మరియు 2018 ఏడాదిలో యుకె మార్కెట్లో దీనిని అమ్మకాలకు సిద్దం చేయనున్నారు.

స్కోడా పెద్ద ఎస్‌యువి, కొడియాక్ డిజైన్ శైలి తరహాలోనే 2018 యెటి ఉండనుందని కబన్ తెలిపాడు.

ప్రస్తుతం స్కోడా యెటి 2009 నుండి వివిధ అంతర్జాతీయ మార్కెట్లలో అమ్మకాల్లో ఉంది. విడుదల చేసిన సమయం నుండి యూరప్‌లో దీని అమ్మకాలు రోజు రోజుకీ పెరుగుతూనే ఉన్నాయి.

అయితే స్కోడా గత రెండేళ్ల కాలం నుండి ఆశించిన స్థాయిలో ఫలితాలను సాధించలేకపోతోంది. అయితే వోక్స్‌వ్యాగన్ వారి ఎమ్‌క్యూబి వేదిక ఆధారంగా రూపొందుతున్న సరికొత్త యెటి స్కోడాకు పూర్వ వైభవాన్ని తీసుకురానుంది.

2018 స్కోడా యోటిలో అధునాతన డీజల్ మరియు పెట్రోల్ ఇంజన్‌లతో పాటు సరికొత్త స్కోడా కొడియాక్‌లో పరిచయం కానున్న కొత్త ఫీచర్లు కూడా యెటిలో పరిచయం కానున్నాయి.

ఎన్నో ఎస్‌యువి తరహా ఉత్పత్తులకు ఆజ్యమైన వోక్స్‌వ్యాగన్ వారి ఎమ్‌క్యూబి ప్లాట్‌ఫామ్ మీద సరికొత్త యెటి రూపొందించబడుతోంది కాబట్టి సీటింగ్ మరియు బాడీ ఇదే వేదిక మీద తయారైన టిగువాన్ మరియు ఆడి క్యూ3 ఎస్‌యువిల తరహాలోనే ఉండనుంది.

స్కోడా అధికారిక డిజైనర్ కబన్ తెలిపిన వివరాల మేరకు సరికొత్త యెటి కొడియాక్ యొక్క ముందు మరియు వెనుక వైపున ఉన్న బంపర్ తరహా డిజైన్‌లో రానుంది.

కొడియాక్ ఆధారిత 2018 స్కోడా యెటి ప్రదర్శన

• వీటిని కొనాలంటే ఆస్తిపాస్తులు అమ్ముకోవాల్సిందే...!!
• విస్పోటనం సృష్టించిన ఆ కారును మళ్లీ విడుదల చేస్తామంటున్నారు
• ఐదు విజయవంతమైన సంవత్సరాలను పూర్తి చేసుకున్న మహీంద్రా ఎక్స్‌యూవీ500