ఉద్యోగులకు ఆక్టివా స్కూటర్లను పంచిపెట్టిన వజ్రాల వ్యాపారి

సూరత్‌కు చెందిన ఓ వజ్రాల వ్యాపారి లక్షిదాస్ తమ ఉద్యోగులకు 125 హోండా ఆక్టివా స్కూటర్లను బహుమానంగా అందించాడు.

By Anil

Published: Wednesday, April 26, 2017, 20:36 [IST]

మీరు పనిలో అత్యుత్తమ పనితీరును కనబరిస్తే... దాని ప్రతిఫలం సాలరీ హైక్ ద్వారా కంపెనీలు తమ ఉద్యోగులకు అందిస్తాయి. అయితే అందుకు భిన్నంగా ఈ యజమాని తమ సంస్థలో అత్యుత్తమ పనితీరు కనబరిచే ఉద్యోగులకు విభిన్నమైన ప్రతిఫలం అందించాడు. ప్రతి ఉద్యోగి కూడా ఈ వార్తను చూసి, ఇక్కడ పనిచేసే వారు నక్కతోక తొక్కొచారంటారు.

ఉద్యోగులకు ఆక్టివా స్కూటర్లను పంచిపెట్టిన వజ్రాల వ్యాపారి

సూరత్‌లో లక్ష్మిదాస్ ఓ దిగ్గజ వజ్రాల వ్యాపారి. తమ సంస్థలో పనిచేసే ఉద్యోగుల్లో ఉత్తమ పనితీరు కనబరిచే వారికి 125 హోండా ఆక్టివా స్కూటర్లను బహుమానంగా ప్రదానం చేశాడు.

విశ్వసనీయత పురస్కారాల ప్రధాన వేదికలో తమ ఉద్యోగులకు హోండా ఆక్టివా స్కూటర్లను బహుమానంగా అందివ్వడం జరిగింది.

లక్ష్మిదాస్ వెకారియా 2010 లో వజ్రాల వ్యాపార ప్రారంభించాడు. దేశవ్యాప్తంగా రెండవ అతి పెద్ద వజ్రాల వ్యాపారిగా నిలిచి ఉద్యోగులకు కానుకలిచ్చే రెండవ యజమానిగా కూడా ఈయన వార్తల్లోకి ఎక్కాడు.

2016 లో మరో వజ్రాల వ్యాపారి శివ్‌జి ధోలకియా తమ ఉద్యోగులకు 1,260 ఫియట్ పుంటో కార్లు, 400 ఫ్లాట్లు మరియు ఆభరణాలను దీపావళి పర్వదిన సందర్భంగా ప్రదానం చేశాడు.

దేశవ్యాప్తంగా హోండా ఆక్టివా బెస్ట్ సెల్లింగ్ స్కూటర్‌గా నిలిచింది. అత్యుత్తమ నాణ్యత, నిర్మాణ పరిమైన విలువలు మరియు విశ్వసనీయమైన ఉత్పత్తిగా దేశీయ స్కూటర్ల సెగ్మెంట్లో మంచి ఫలితాలను కనబరుస్తోంది.