Click it and Unblock the Notifications
'నానో' కొనేప్పుడు ఒకటిరెండు సార్లు ఆలోచించండి
ఇక ఇప్పుడు కూడా ఇలాగే బుధవారం నాడు అహమ్మదాబాదు నుండీ 11 కొత్త నానో కార్లను వడోదరాకు తరలిస్తుండగా బొరియావి అనే గ్రామం వద్దకు రాగానే కారు వెనక భాగాన అగ్ని రేగడంతో డ్రైవర్ వెంటనే దిగిపోవడంతో అతను సురక్షితంగా బయటపడ్డాడు. ఇక గత రెండు వారాల క్రితం ముంబైలో కూడా ఇలాగే సతీష్ సావంత్ అనే సాఫ్ట్ వేర్ ఇంజనీర్ తన కొత్త కారును ఇంటికి తీసుకెళ్తుండగా మధ్యలోనే అగ్నిరేగి కారు బూడిదపాలయిన సంగతి తెలిసిందే. ఇందులో కూడా మంటలు కారు వెనుకభాగానే రేగడం గమనార్హం.
మరి కారు కాలిపోయిందని బాధపడాలో లేక మనం సురక్షితంగా బయటపడ్డామని ఆనందించాలో తెలియక వినియోగదారుడు బిక్కమొహం వేస్తున్నాడు. గత నెలలో ప్రమాదం జరుగుతుందేమోనని అనుమానపడి రీకాల్ పిలుపునిచ్చినందుకే టయోటా మోటార్స్ సంస్థకు అమెరికా ప్రభుత్వం భారీ జరిమానా విధిస్తే ఇన్ని ప్రమాదాలు జరుగుతున్నా నిమ్మకు నీరెత్తినట్టున్న టాటా మోటార్స్ మీద ఎలాంటి చర్యలు తీసుకోవాలో మన ప్రభుత్వమే నిర్ణయించుకోవాలి. ఎందుకయినా మంచిది ప్రస్తుత సమయంలో నానో కారు కొనకపోవడమే సురక్షితం.. ఏమంటారు..!?
Continue with Google