ఇకపై భారత్‌లోనే స్కానియా బస్సుల తయారీ

తర్వాతి స్లైడ్‌లలో స్కానియా మెట్రోలింక్ బస్సులకు సంబంధించిన మరిన్ని విషయాలు తెలుసుకోండి.

స్కానియా మెట్రోలింక్ కోచ్‌ను భారతీయ పరిస్థితులకు అనుగుణంగా, ప్రయాణికుల భద్రతే ప్రధాన లక్ష్యంగా చేసుకుని అల్ట్రా లగ్జరీ ఫీచర్స్, కంఫర్ట్, సేఫ్టీ సదుపాయాలతో వీటిని తయారు చేశారు.

ప్రయాణికులకు స్కానియా బస్సులో ప్రయాణం సౌకర్యవంతమైన మరియు విలాసవంతమైన ప్రయాణ అనుభూతిని కల్పిస్తుందని కంపెనీ పేర్కొంది.

మాడ్యూల్స్ అండ్ మాడ్యులర్ బాడీవర్క్ ఛాస్సిస్ సిస్టమ్ ఆధారంగా చేసుకొని తయారు చేసిన మెట్రోలింక్ బస్సులు టూ-యాక్సిల్, 3-యాక్సిల్ రూపంలో 45, 49, 53 ప్యాసింజర్ సీట్స్ కెపాసిటీతో మూడు మోడళ్లలో లభ్యమవుతున్నాయి.

స్కానియా మెట్రోలింక్ బస్సులలో ఆరు ఎమర్జెన్సీ డోర్‌లు, మోనిటర్ డ్రైవర్ మూవ్‌మెంట్స్, ప్రయాణికుల కోసం సేఫ్టీ వీడియోలు మొదలైన ఫీచర్లుంటాయి.

స్కానియా విడుదల చేసిన మెట్రోలింక్ హెచ్‌డి 45-సీటర్ బస్సు 12 మీటర్ల పొడవును కలిగి ఉండి 2+2 సీట్లను కలిగి ఉంటుంది. ఇందులో 9-లీటర్, 314పిఎస్, యూరో3 ఇంజన్‌ను అమర్చారు. ఈ బస్సుకు తరచూ గేర్లు మార్చాల్సిన అవసరం లేదు. ఇందులో 8-స్పీడ్ ఆటోమేటిక్ ట్రాన్సిమిషన్ సిస్టమ్‌ను ఉపయోగించారు.

ఇకపోతే మెట్రోలింక్ హెచ్‌డి 49-సీటర్ బస్సు 13.7 మీటర్ల పొడవును కలిగి ఉండి 49 సెమీ-స్లీపర్ సీట్లను కలిగి ఉంటుంది. ఇందులో పవర్‌ఫుల్ 13-లీటర్, 365 పిఎస్ ఇంజన్‌ను అమర్చారు. ఈ ఇంజన్‌ను స్కానియా ఆప్టిక్రూయిజ్ 8-స్పీడ్ ఆటోమేటిక్ ట్రాన్సిమిషన్ సిస్టమ్‍‌తో జతచేయబడి ఉంటుంది.

మెట్రోలింక్ హెచ్‌డి 45-సీటర్ బస్సు 14.5 మీటర్ల పొడవును కలిగి ఉండి, 53 సెమీ-స్లీపర్ సీట్లను కలిగి ఉంటుంది. ఇందులో 8-లీటర్ 416 పిఎస్ ఇంజన్‌ను అమర్చారు. ఇది కూడా 8-స్పీడ్ ఆటోమేటిక్ ట్రాన్సిమిషన్ సిస్టమ్‌తో జతచేయబడి ఉంటుంది.

వోల్వో, మెర్సిడెస్ బెంజ్, టాటా మోటార్స్, అశోక్ లేలాండ్ వంటి సంస్థలకు స్కానియా గట్టి పోటీ ఇవ్వనుంది.