ఆటోమొబైల్ రంగం వైపు దూసుకొస్తున్న ఆపిల్

By N Kumar

Updated: Tuesday, February 22, 2022, 19:10 [IST]

అమెరికా సాంకేతిక దిగ్గజం ఆపిల్ ఇప్పుడు ఆటోమొబైల్ రంగం మీదకు తన దారిని మళ్లిస్తోంది. సాంకేతిక రంగంలో ప్రపంచ దిగ్గజ సంస్థల కంటే ముందున్న ఆపిల్, ఇప్పుడు తమ పరిజ్ఞానాన్ని ఎలక్ట్రిక్ కార్లను రూపొందించడం మీద వినియోగిస్తోంది. అయితే ఆపిల్ ఓ ప్రకటనలో ఎలక్ట్రిక్ కార్లను తయారు చేస్తున్నట్లు తెలిపింది. దీనికి ప్రాజెక్ట్ టైటాన్ అనే పేరును కూడా ఖరారు చేసింది. ప్రాజెక్ట్ టైటాన్ గురించి పూర్తి వివరాలు తెలియాలంటే ఈ కథనాన్ని పూర్తిగా చదవాల్సిందే...

దక్షిణ కొరియాకు చెందిన కొన్ని బ్యాటరీ ఆభివృద్ది సంస్థలతో చేతులు కలిపి హ్యాలో బ్యాటరీలను అభివృద్ది చేయడానికి రహస్యంగా ఒప్పందాలు చేసుకున్నట్లు నివేదికలు చెపుతున్నాయి.

సుమారుగా 20 వరకు సంస్థలతో తమ భవిష్యత్ ఎలక్ట్రిక్ కారుకు సంభందించిన అభివృద్ది కోసం రహస్య ఒప్పందాలను చేసుకుంది.

ఎలక్ట్రిక్ కార్లలో హ్యాలో బ్యాటరీలను వినియోగించడం ఒక విప్లవాత్మకమైన మార్పు అని చెప్పవచ్చు. ఇలాంటి దానికి ఆపిల్ సంస్థ శ్రీకారం చుట్టింది.

ఎలక్ట్రిక్ కార్లలో వినియోగించే సాధారణ బ్యాటరీలలో ఎక్కువ రసాయనిక చర్యలు జరిగి అధిక వేడి వెలువడుతుంది.

ఇటిఆటోన్యూస్ వారి కథనం ప్రకారం అచ్చం ఇలాంటి సాంకేతికతకు చెందిన హ్యాలో బ్యాటరీల మీద దక్షిణ కొరియాకు చెందిన సంస్థ ఒకటి పేటెంట్ హక్కులను పొందినట్లు తెలిపింది.

హ్యాలో బ్యాటరీల బాహ్య భాగంలో చల్లటి గాలిని ప్రసరింపజేసి. బ్యాటరీలలో ఉత్పత్తి అవుతున్న అధిక వేడిని తగ్గించచ్చు. అంతే కాకుండా హ్యాలో బ్యాటరీల ద్వారా డిజైన్ చేయడానికి ఇంజనీరింగ్ నిపుణులకు ఎంతో సులభంగా ఉంటుంది.