బిఎమ్‌డబ్ల్యూ ఐ8 హైబ్రిడ్ కారుతో దుబాయ్ పోలీసుల గస్తీ!

బిఎమ్‌డబ్ల్యూ ఐ8 హైబ్రిడ్ స్పోర్ట్స్ కారులో ఓ పెట్రోల్ ఇంజన్, ఓ ఎలక్ట్రిక్ మోటార్ ఉంటుంది. ఇందులోని 1.5 లీటర్ టర్బో పెట్రోల్ ఇంజన్ పవర్‌ను డ్యూయెల్ క్లచ్ ట్రాన్సిమిషన్ రియర్ యాక్సిల్ (వెనుక చక్రాల)‌కు చేరవేస్తుంది. అలాగే, ఇందులో అమర్చిన 125 హార్స్ పవర్ ఎలక్ట్రిక్ మోటార్ ఫ్రంట్ యాక్సిల్ (ముందు చక్రాల)కు పవర్‌ను చేరవేస్తుంది.

ఈ కారులోని పెట్రోల్ ఇంజన్ ఇంజన్ 231 హెచ్‌పిల శక్తిని, ఎలక్ట్రిక్ మోటార్ 131 హెచ్‌పిల శక్తిని ఉత్పత్తి చేస్తుంది. ఇవి రెండూ కలిసి మొత్తం గరిష్టంగా 362 హెచ్‌పిల శక్తిని, 550 ఎన్ఎమ్‌ల గరిష్ట టార్క్‌ను ఉత్పత్తి చేస్తాయి.

బిఎమ్‌డబ్ల్యూ ఐ8 హైబ్రిడ్ కారు కేవలం 4.4 సెకండ్ల వ్యవధిలోనే 0-100 కిలోమీటర్ల గరిష్ట వేగాన్ని అందుకుంటుంది. దీని గరిష్ట వేగాన్ని యాంత్రికంగా 250 కిలోమీటర్లకు పరిమితం చేశారు.

బిఎమ్‌డబ్ల్యూ ఐ8 ప్లగ్-ఇన్ హైబ్రిడ్ స్పోర్ట్స్ కారు కాబట్టి, ఈ కారును పూర్తిగా పెట్రోల్ ఇంజన్‌తో కానీ లేదా పూర్తిగా ఎలక్ట్రిక్ పవర్‌తో కానీ లేదా రెండింటిని కలిపి ఒకేసారిగా కానీ ఉపయోగించి డ్రైవ్ చేయవచ్చు. బిఎమ్‌డబ్ల్యూ తమ ఐ8 హైబ్రిడ్ స్పోర్ట్స్ కారును పూర్తిగా కార్బన్ ఫైబర్ బాడీతో తయారు చేసింది. దీని మొత్తం బరువు 1490 కిలోలు.