ఇండియాలో తొలి హెలికాఫ్టర్ ట్యాక్సీ సేవల ప్రారంభించనున్న బెంగళూరులో

భారతదేశంలోనే తొలిసారిగా, బెంగళూరులో హెలికాఫ్టర్ ద్వారా ట్యాక్సీ సేవలు ప్రారంభం కానున్నాయి. థంబీ ఏవియేషన్ సంస్థ బెంగళూరు ఇంటర్నేషనల్ ఎయిర్‌పోర్ట్ లిమిటెడ్(BIAL) ఉమ్మడి భాగస్వామ్యంతో నవబంర్ 2017 నుండి పూర్తి స్థాయిలో హెలికాఫ్టర్ ట్యాక్సీ సర్వీసును ప్రారంభించనుంది.

Recommended Video

Jeep Compass Launched In India | In Telugu - DriveSpark తెలుగు

బెంగళూరు అంతర్జాతీయ విమానాశ్రయం నుండి నగరంలోని ఎలక్ట్రానిక్ సిటి వరకు హెలికాఫ్టర్ ట్యాక్సీ సర్వీసులను ప్రారంభించనున్నారు. 15 నిమిషాల ప్రయాణ సమయం ఉన్న ఈ రెండు స్టాపుల మధ్య టికెట్ ధరను ఇంకా నిర్ణయించలేదు.

థంబీ ఏవియేషన్ సంస్థ హెలికాఫ్టర్ ట్యాక్సీ సర్వీసుల కోసం 13 మంది కూర్చునే సామర్థ్యం ఉన్న బెల్-412 మరియు 5 మంది కూర్చునే సామర్థ్యం ఉన్న బెల్-407 హెలికాఫ్టర్లను వినియోగించనున్నట్లు తెలిసింది.

కేంద్ర పౌర విమానయాన శాఖ సహాయ మంత్రి జయంత్ సిన్హా మాట్లాడుతూ, దేశవ్యాప్తంగా వివిధ నగరా ఓపెన్ స్కై విధానం ద్వారా 5,000 అడుగుల ఎత్తు లోపు హెలికాఫ్టర్ ట్యాక్సీ సర్వీసులను కేంద్రం ప్రోత్సహిస్తోందని తెలిపాడు.

ఇప్పటి వరకు బెంగళూరు నగర వ్యాప్తంగా మొత్తం 90 హెలీప్యాడ్‌లు ఉన్నాయి. ఇందులో అపార్ట్‌మెంట్ రూఫ్ మీద నిర్మించిన, వినియోగంలో లేని హెలీప్యాడ్‌లు కూడా ఉన్నాయి. పూర్తి స్థాయిలో ఆపరేషన్స్ నిర్వహించడానికి ప్రభుత్వం ఇప్పుడు పేపర్ పనుల్లో ఉంది. అనుమతలన్నీ లభించిన వెంటనే హెలికాఫ్టర్ సేవలు ప్రారంభం కానున్నాయి.

డ్రైవ్‌స్పార్క్ తెలుగు అభిప్రాయం!

భారతదేశపు సాప్ట్‌వేర్ రాజధానిగా విలసిల్లుతున్న బెంగళూరు ట్రాఫిక్ కోరల్లో చిక్కుకుంది. నగరానికి ఒక వైపు నుండి మరో వైపుకు ప్రయాణించడానికి ప్రజలు తీవ్ర ఇబ్బందులు ఎదుర్కొంటున్నారు. అయితే హెలికాఫ్టర్ ట్యాక్సీ అద్దెలను మధ్యస్థంగా ఉంచితే, ఎక్కువ మంది ప్రజలు ఈ సేవలను ఉపయోగించుకునే అవకాశం ఉంది.