కిమ్ జాంగ్ ఉన్ ఎక్కడికి వెళ్లినా ఈ కారు ఖచ్చితంగా వెన్నంటే ఉంటుంది

అయితే, కిమ్ జాంగ్ ఉన్ ఎక్కడికెళ్లినా ఓ కారు అతడిని అనుసరిస్తూనే ఉంటుందని గుర్తించారు. నార్త్ కొరియాతో భూభాగపు సరిహద్దును పంచుకున్న సౌత్ కొరియా అధ్యక్షుడు మూన్ జే ఇన్‌తో చారిత్రాత్మక సమావేశానికి వచ్చినపుడు కూడా ఆయన వెంట ఈ కారు ఉన్నట్లు తెలిసింది.

కిమ్ విమాన ప్రయాణానికి దూరంగా ఉంటాడు. ఎక్కడికి వెళ్లాలన్నా అయితే కారు లేదా రైలును ఉపయోగిస్తాడు. ఇటీవల చైనాలోని బీజింగ్ నగరానికి కూడా అత్యంత రహస్యంగా తన వ్యక్తిగత రైలులో వెల్లొచ్చాడు.

కిమ్ జాంగ్ అన్ ఉత్తర కొరియా అధ్యక్ష పదవిని చేపట్టినప్పటి నుండి విమానయాన ప్రయాణానికి దూరంగా ఉన్నాడు. చాలా వరకు తన సురక్షితమైన, ధృడమైన మరియు శక్తివంతమైన కాన్వాయ్‌నే ఉపయోగిస్తాడు.

అయితే, కిమ్ జాంగ్ ఉన్ పాలనో భాగంగా దేశ పర్యటనకు వెళ్లినపుడు తన శక్తివంతమైన కాన్వాయ్ వెంట ఓ కారు వెన్నంటే ఉంటున్నట్లు గుర్తించడం జరిగింది. గత వారంలో కిమ్ పాన్‌ముంజామ్ అనే ప్రదేశాన్ని పర్యటించినపుడు కూడా ఈ రహస్య కారు కిమ్ కాన్వాయ్ వెంటే ఉంది.

అయితే, ఆ కారు టాయిలెట్ మరియు ఇతర సౌకర్యాలను కలిగి ఉన్నట్లు తెలిసింది. దీనిని కేవలం నార్త్ కొరియా నియంత కిమ్ మాత్రమే ఉపయోగిస్తాడు. పర్యటనలో ఉన్నపుడు పబ్లిక్ మరియు ఇతరుల టాయిలెట్లు మరియు రెస్ట్ రూములను వాడకుండా తన వ్యక్తిగత అవసరాల కోసం ఈ కారు ఆయన వెన్నంటే ఉంటుంది.

ఈ విషయాన్ని నార్త్ కొరియా గార్డ్ కమాండ్ ఫోర్స్ అధికారిగా ఉన్న లీ-యున్-కియోల్ ఓ మీడియాతో పంచుకున్నాడు. నార్త్ కొరియా 2005లో సౌత్ కొరియా మీద దాడి చేసినపుడు నార్త్ కొరియా వ్యూహాత్మక సమాచార సేవా విభాగంలో పనిచేశాడు.

ఉత్తర కొరియా అధ్యక్షుడి కాన్వాయ్ వెంట వెళ్లే కారు, ఆయన వ్యక్తిగత అవసరాల కోసం అని, అందులో ఎలాంటి రహస్యం లేదనే విషయం ప్రపంచం మొత్తం తెలుసుకున్నట్లు డైలీ ఎన్‌కె సియోల్ పత్రికలో పేర్కొంది.

దేశ పర్యటనలో ఉన్నపుడు పల్లె ప్రాంతాలు మరియు అధికారిక నివాసాల్లో తన కాలకృత్యాలను తీర్చుకోవడానికి గల కారణం తన ఆడంబర మరియు విలాసవంతమైన జీవన శైలిలో భాగంగా కాదని, ఆయన భద్రత దృష్టిలో ఉంచుకుని ప్రత్యేక కారును వినియోగిస్తున్నట్లు ఆ పత్రిక చెప్పుకొచ్చింది.

అంతే కాకుండా, ఈ టాయిలెట్ కారును కిమ్ జాంగ్ ఉన్ తప్పితే మిగతా ఎవ్వరూ ఉపయోగించరు. అంతే కాకుండా, ప్రతి రోజు తన ఆరోగ్యాన్ని పర్యవేక్షించేందుకు ఆయన మలమూత్రాలను సేకరించి పరీక్షలు నిర్వహిస్తారు. ఇందుకొక ప్రత్యేక బృందం కూడా ఉంది.

ప్రపంచ వ్యాప్తంగా దేశాధ్యక్షుల భద్రతలో భాగంగా ఆయా దేశాల ఇంటెలిజెన్స్ విభాగాలు ఎన్నో జాగ్రత్తలు తీసుకుంటాయి. కానీ, ఇలాంటి ఆరంబడమైన జీవితాన్ని పొందే అధ్యక్షులు చాలా అరుదు. ఒక దేశ అధ్యక్షుడి కాలకృత్యాల కోసం ఒక ప్రత్యేక వాహనం ఉండటం బహుశా ఇదొక్కటే కావొచ్చు.