కాంగోలో ట్రాఫిక్‌ని కంట్రోల్ చేస్తున్న మరమనుషులు..

ఈ రోబో ట్రాఫిక్ పోలీస్ 8 అడుగుల పొడవు ఉంటుంది, వీటిని స్థానిక ఇంజనీర్లే అభివృద్ధి చేశారు.

ఇవి సౌరశక్తి సాయంతోను అలాగే విద్యుచ్ఛక్తి సాయంతోను పనిచేస్తాయి. ఈ రోబోల తల పైభాగంలో సోలార్ ప్యానెల్ అమర్చబడి ఉంటుంది. సూర్మరశ్యి ఎక్కువగా ఉన్న సమయాల్లో సౌకరశక్తిని గ్రహించి, దానిని బ్యాటరీలలో నిక్షిప్తం చేసుకొని, రాత్రివేళల్లో వినియోగించుకుంటాయి.

ఈ రోబో కాప్స్ కేవలం లైట్లతో కూడిన రోడ్డు సంకేతాలనే కాకుండా, ధ్వనితో కూడిన సంకేతాలు కూడా అందజేస్తాయి. మోటారిస్టులు, పాదచారులు ఎప్పుడు ఆగాలి, ఎప్పుడు రోడ్డును దాటాలి తదితర అంశాలను మాటల రూపంలో తెలియజేస్తాయి.

ఇవి కేవలం మర బొమ్మలే కదా, మనల్నేం చేస్తాయిలే అని వీటి సంకేతాలను పట్టించుకోకుండా నిబంధనలు అతిక్రమిస్తే, జరిమానా తప్పదు.

ఈ రోబోలు హై రెజల్యూషన్ సిసిటివి కెమెరాలతో అమర్చబడి ఉంటాయి. నిబంధనలు అతిక్రమించిన వాహనాన్ని గుర్తించి, సదరు వాహన యజమాని పేరుపై చలాన్ జనరేట్ చేస్తాయి. వీటిని ట్రాఫిక్ అధికారులు సదరు వాహన యజమాని ఇంటికి పంపిస్తారు.

వీడియో

కాంగోలో ఏర్పాటు చేసిన ఈ రోబో ట్రాఫిక్స్ కాప్స్ ఎలా పనిచేస్తాయో ఈ వీడియోలో వీక్షించండి.