స్క్రాప్ తో తయారు చేసిన ఈ బైకు నాలుగు రకాల ప్యూయల్స్‌తో నడుస్తుంది

అంతా బాగానే ఉంది మీ స్టోరీ చదువుతుంటే 2006 లో అజయ్ దేవ్‌గణ్ నటించిన గోల్‌మాల్ చిత్రంలో హీరో బైకును రూపొందించిన స్టోరీని రాశారని అనేరు. ఉత్తర బీహార్‌కు చెందిన ఐజర్ అలీ తన రియల్ లైఫ్‌లో ఈ రియల్ బైకును రూపొందించాడు.

అయితే గోల్‌మాల్ చిత్రాన్ని చూసి ప్రేరితమైన అలీ ఎలాగైనా అచ్చం అలాంటి బైకునే తయారు చేయాలనే సంకల్పంతో నిజ జీవితంలో ఆ బైకును తయారు చేశాడు. ఒక విధంగా చెప్పాలంటే ఐజర్ అలీ ప్రయోగం వెనుక అజయ్ దేవ్‌గణ్ చిత్రం కూడా ఉందనాలి.

గోల్‌మాల్ చిత్రం ప్రభావం ఐజర్ అలీ మీద బాగానే పడిందని చెప్పాలి. సినిమా చూసిన అనంతరం గుజరీ షాప్‌కు వెళ్లి ఈ బైకు కోసం కావాల్సిన విడి బాగాలను కొనుగోలు చేసాడు.

ఇంజన్ మరియు ఫ్రేమ్ కోసం యమహా ఎంటీసర్ బైకును 15,000 రుపాయలు వెచ్చించి కొనుగోలు చేసాడు.

రెండు చక్రాలున్న ఈ బైకు చివరలో మరో చక్రాన్ని అందించాడు. మరింత పొడవైన సీటుతో త్రీ వీలర్‌గా మారిపోయింది..

యమహా అందించిన బైకు లోని ఇంధన ట్యాంకును తొలగించి దాని స్థానంలో పెద్ద పరిమాణంలో ఉన్న ఇంధన ట్యాంకును అందించాడు.

ఇంధన ట్యాంకుని లోపల వైపున రెండు భాగాలుగా చేశాడు. మొదటి సగ భాగంలో పెట్రోల్ మరియు రెండవ సగ భాగంలో డీజల్ లేదా కిరోసిన్ నింపుకోవచ్చు.

ఈ మూడు ఇంధనాలతో పాటు ఎల్‌పిజి గ్యాస్‌తో కూడా నడుస్తుంది కాబట్టి 3,200 రుపాయల విలువైన ఎల్‌పిజి కిట్‌ను ఇందులో అమర్చాడు.

ఐజర్ అలీ ఫ్యామిలీ మరియు స్నేహితుల సహకారంతో దీనిని తయారు చేయడానికి మొత్తం 50 రోజుల సమయం తీసుకున్నట్లు తెలిపాడు.

ఎల్‌పిజి మరియు కిరోసిన్ ద్వారా అధిక కాలుష్యాన్ని నిరోధించి పర్యావరణానుకూలంగా రూపొందించినట్లు ఐజర్ అలీ తెలిపాడు.

ప్రభుత్వం చేయూతనిస్తే తన ప్రయోగాన్ని కొనసాగించి నాలుగు రకాల ఇంధనాలతో నడిచే బైకుని మరింత అభివృద్ది చేస్తానని ఐజర్ తెలిపాడు.

• లీటర్ పెట్రోల్ తో 360 కిలోమీటర్లు మైలేజ్ ఇవ్వగల స్కూటర్
• డీజల్, పెట్రోల్ లతో కాదు గాలితో నడిచే కారు...!!