హెచ్.డి.ఎఫ్.సి మరియు పేటిఎమ్ అకౌంట్లు ఉన్న వారికి సుజుకి నుండి అద్భుతమైన ఆఫర్లు

సుజుకి స్కూటర్స్ అండ్ మోటార్ సైకిల్స్ ఇండియా తమ కస్టమర్లకు క్యాష్ లెస్ ఆఫర్లు మరియు లాభాలను అందివ్వడానికి తాజాగ ప్రముఖ ఇకామర్స్ దిగ్గజం పేటిఎమ్ మరియు బ్యాకింగ్ దిగ్గజం హెచ్.డి.ఎఫ్.సి లతో జుట్టు కట్టింది.

దేశ వ్యాప్తంగా నల్ల ధనాన్ని వెలికితీయడానికి భారత ప్రభుత్వం పాత రూ. 500 మరియు రూ. 1000 నోట్లను రద్దు చేసిన సంగతి తెలిసిందే. ఈ కారణంగా నగదు ద్వారా జరిగే చెల్లింపులు పూర్తిగా తగ్గిపోయాయి. ఇందుకోసం క్యాష్ లెస్ ఆఫర్లతో వాహన తయారీ సంస్థలు ముందుకొస్తున్నాయి.

సుజుకి స్కూటర్స్ మరియు మోటార్ సైకిల్స్ తమ ఉత్పత్తులను పేటిఎమ్ ద్వారా బుక్ చేసుకునే అవకాశాన్ని కల్పించింది. పేటిఎమ్ ఇకామర్స్ వేదిక ద్వారా రూ. 20,000 ల బుకింగ్ మొత్తాన్ని చెల్లించి తమ టూ వీలర్లను ఎంచుకోవచ్చు.

బుకింగ్ చేసుకున్న బైకులు లేదా స్కూటర్లను డీలర్లు డెలవరీ చేసే సమయంలో సుజుకి మరియు పేటిఎమ్ సంయుక్తంగా రూ. 3,000 లను క్యాష్ బ్యాక్ రూపంలో వెనక్కి ఇవ్వనున్నాయి.

హెచ్.డి.ఎఫ్.సి ఖాతాదారులకు మరియు ప్రభుత్వ ఉద్యోగులకు సుజుకి టూ వీలర్లను 100 శాతం ఫైనాన్స్ ఆప్షన్‌తో అందిస్తున్నాయి. ప్రతి నెలా ఇఎమ్ఐ చెల్లించడానికి తమ నచ్చిన నగదు లావాదేవీ పద్దతిని ఎంచుకోవచ్చు.

పెద్ద నోట్ల రద్దు సమయంలో కస్టమర్లకు అత్యంత సులభమైన ఆర్థిక లావాదేవీలు జరపడానికి అవకాశం కల్పించే దిశగా సుజుకి టూ వీలర్స్ ఈ నిర్ణయం తీసుకుంది.

సంపాదనకు సంభందించిన ఆధారాలు ఉన్న వారు హెచ్.డిఎఫ్.సి బ్యాంకులో ఖాతా లేకపోయినా కూడా సుజుకి మరియు హెచ్.డి.ఎఫ్.సి ఇరు సంస్థలు అతి తక్కువ డౌన్ పేమెంట్ (90 శాతం వరకు బుణ సదుపాయం) ద్వారా కొన్ని సుజుకి ఉత్పత్తులను అందిస్తున్నాయి.

• సుజుకి టూ వీలర్ల ధరల సవరణ: కొత్త ధరల కోసం...
• మార్కెట్ కు షాక్: చేతక్ స్కూటర్ ను రీలాంచ్ చేయనున్న బజాజ్
• అంద, చెంద మార్పులతో 2018 నాటికి సరికొత్తగా విడుదలవుతోంది