అవెంజర్ 400 ను విడుదల చేయనున్న బజాజ్: పూర్తి వివరాలు

మోటార్ ఆక్టేన్ అనే ఆన్‌లైన్ వార్తా వేదిక, పూనే ఆధారిత మోటార్ సైకిళ్ల తయారీ సంస్థ బజాజ్ తమ లైనప్‌లో ఉన్న అవెంజర్ శ్రేణిలో గరిష్ట సామర్థ్యం గల క్రూయిజర్ మోటార్ సైకిల్‌ను అవెంజర్ 400 పేరుతో విడుదల చేయనున్నట్లు తెలిసింది.

బజాజ్ ఆటో ఈ అవెంజర్ 400 లో 375సీసీ సామర్థ్యం గల గాలితో చల్లబడే సింగల్ సిలిండర్ ఇంజన్‌ను అందిస్తోంది. దీనిని ప్రత్యేకించి హైవే రైడింగ్ కోసం బజాజ్ నిర్మిస్తోంది.

2017 మధ్య భాగానికి ఇండియన్ మార్కెట్లోకి విడుదల కానున్న ఇది సుమారుగా 35 నుండి 38 బిహెచ్‌పి మధ్య పవర్ మరియు 32 నుండి 34ఎన్ఎమ్ మధ్య టార్క్ ఉత్పత్తి చేయును.

ప్రస్తుతం బజాజ్ లైనప్‌లో అవెంజర్, పల్సర్ మరియు డిస్కవర్ వంటి మూడు ప్రధాన బ్రాండింగ్ పేర్లతో బైకులు అందుబాటులో ఉన్నాయి. ఈ మధ్య బజాజ్ విడుదల చేసిన డామినర్ నూతన బ్రాండ్‌గా నిలిచింది.

బజాజ్ తమ పల్సర్ లోని 200ఎన్ఎస్ వేరియంట్ ను బిఎస్-IV ఉద్గార నియమాలను పాటించే ఇంజన్ అప్‌గ్రేడ్‌తో మల్లీ విడుదల చేయనుంది. ఇప్పుడు తమ లైనప్‌లోని అన్ని మోడళ్లలో కూడా బిఎస్-IV ఇంజన్‌లను పరిచయం చేస్తోంది బజాజ్.

అవెంజర్ శ్రేణిలో టూరింగ్ బైకుల తరహా కాకుండా ఎక్కువ సామర్థ్యం ఉన్న ఈ అవెంజర్ 400 ను భారీ శరీరాకృతితో నిర్మించనుంది. ఎక్కువ సామర్థ్యం ఉన్న ఇంజన్‌ను అందిస్తుండటం వలన మిగతా వాటితో పోల్చితే పరిమాణంలో పెద్దగా ఉండేలా నిర్మిస్తోంది.

బజాజ్ ఈ అవెంజర్ 400 ను సుమారుగా రూ. 1.75 లక్షలు ఎక్స్ షోరూమ్ ప్రారంభ ధరతో విడుదల చేసే అవకాశం ఉంది. ప్రస్తుతం మార్కెట్లో ఉన్న రాయల్ ఎన్ఫీల్డ్ థండర్‌బర్డ్ మోటార్ సైకిల్‌కు బలమైన పోటీనివ్వనుంది.

యమహా ఇండియా తాజాగ ఇండియన్ మార్కెట్లోకి ఎఫ్‌జడ్25 మోటార్ సైకిల్‌ను విడుదల చేసింది. దీనికి చెందిన ఫోటోల కోసం క్రింది గ్యాలరీ మీద ఓ లుక్కేయండి...