ఇండియన్ టూ వీలర్ హిస్టరీలో చారిత్రాత్మక డీల్‌: బజాజ్ చేతికి డుకాటి!

Recommended Video

Ducati 1299 Panigale R Final Edition Launched In India | In Telugu - DriveSpark తెలుగు

వోక్స్‌వ్యాగన్ విభాగంలో ఉన్న ఆడి డివిజన్ డుకాటి సంస్థను నిర్వహిస్తోంది. డుకాటి సంస్థను అమ్మకానికి పెట్టినపుడు ప్రపంచ వ్యాప్తంగా చాలా కంపెనీలో పోటీపడ్డాయి. ఇండియా నుండి రాయల్ ఎన్ఫీల్డ్, హీరో మోటోకార్ప్ మరియు అమెరికన్ మోటార్ సైకిల్ బ్రాండ్ హ్యార్లీ డేవిడ్సన్ కూడా డుకాటిని సొంతం చేసుకోవడానికి ముందుకొచ్చాయి.

రాజీవ్ బజాజ్ మీడియాతో మాట్లాడుతూ," ఒప్పందాన్ని పూర్తి చేసే చర్చలో చివరి దశలో ఉన్నాము. ఏ క్షణంలోనైనా పూర్తిగా కొనుగోలు చేసి, సొంతం చేసుకునే అవకాశం ఉంది. సదరు కంపెనీ మొగ్గు చూపితే అవకాశాన్ని అందిపుచ్చుకోవడానికి సిద్దంగా ఉన్నట్లు పేర్కొన్నాడు."

ఆస్ట్రియన్ స్పోర్ట్స్ బైకుల తయారీ సంస్థ కెటిఎమ్‌లో బజాజ్ 48 శాతం వాటాను సొంతం చేసుకుంది. దీంతో సరిగా పది సంవత్సరాల క్రితం ఏడాదికి 65,000 యూనిట్లుగా ఉన్న విక్రయాలు, బజాజ్ సారథ్యంలో ఇప్పుడు ఏడాదికి 2.5 లక్షల యూనిట్ల సేల్స్ నమోదవుతున్నాయి.

బజాజ్‌కు డుకాటి కంపెనీ అవసరం గురించి రాజీవ్ బజాజ్ స్పందిస్తూ, "ఇండియాలో స్పోర్ట్స్ బైకులను ఎంచుకునే వారికి కెటిఎమ్ మరియు బజాజ్ విభిన్న ఉత్పత్తులను అందిస్తోంది. అయితే హ్యార్లీ డేవిడ్సన్, ట్రయంప్ మరియు రాయల్ ఎన్ఫీల్డ్ సంస్థలు ఉత్పత్తి చేసే బైకుల సెగ్మెంట్లోకి బజాజ్ ఇంకా ప్రవేశించలేదని తెలిపాడు."

ప్రస్తుతం యూరోపియన్ స్పోర్ట్స్ బైకుల తయారీ సంస్థతో జరుగుతున్న చర్చలు సఫలమైతే మరో వారం లేదా రెండు వారాల్లో అధికారికంగా ప్రకటిస్తామని చెప్పాడు. కమ్యూటర్ బైకులను ఉత్పత్తి చేస్తూనే, ప్రీమియమ్ మోటార్ సైకిళ్లను ఎంచుకునే కస్టమర్లను చేరుకోవడం కోసం కెటిఎమ్‌ తరహా డీల్ డుకాటితో కుదిరితే అతి పెద్ద బ్రాండ్‌గా అవతరించడం ఖాయం.

డ్రైవ్‌స్పార్క్ తెలుగు అభిప్రాయం!

2016 లో డుకాటి 55,451 యూనిట్ల మోటార్ సైకిళ్లను విక్రయించింది. ఒకవేళ బజాజ్‌తో ఒప్పందం కుదుర్చుకుంటే, డుకాటి బైకులను దేశీయంగానే ఉత్పత్తి చేయవచ్చు తద్వారా తయారీ ఖర్చులు తగ్గి బైకుల ధరల విపరీతంగా తగ్గే అవకాశం ఉంది. ఇదే కనుక జరిగితే మిడ్-ఇంజన్ కెపాసిటి ఉన్న మోటార్ సైకిళ్ల సెగ్మెంట్లో డుకాటి భారీ సేల్స్ సాధించడంలో ఎలాంటి సందేహం లేదు!