ఇండియాలో అధికారికంగా విక్రయాలు ప్రారంభించిన బిఎమ్‌డబ్ల్యూ మోటోర్రాడ్

బిఎమ్‌డబ్ల్యూ ద్విచక్ర వాహనాల విభాగం దేశీయంగా కార్యకలాపాలను అధికారికంగా ప్రారంభించింది. తమ మొదటి విక్రయ కేంద్రాన్ని ముంబైలో తెరిచింది. బిఎమ్‌డబ్ల్యూ మోటోర్రాడ్ మోటార్ సైకిళ్ల వివరాలు...

By Anil

Published: Tuesday, April 11, 2017, 17:08 [IST]

దేశీయంగా బిఎమ్‌డబ్ల్యూ మోటోర్రాడ్ మోటార్ సైకిళ్ల ప్రియులకు ఇదొక శుభవార్త అని చెప్పవచ్చు. బిఎమ్‌డబ్ల్యూ గ్రూప్ తమ మోటార్ సైకిళ్ల ఇండియా విభాగాన్ని అధికారికంగా ప్రారంభించింది. ప్రస్తుతం సంస్థ అందుబాటులో ఉంచిన బైకులు మరియు వాటి ధరలు....

అధికారిక కార్యకలాపాలు ప్రారంభించిన BMW మోటోర్రాడ్

గతంలో ముంబాయ్ మరియు న్యూ ఢిల్లీలోని విక్రయదారులు దిగుమతి చేసుకుని కస్టమర్లకు అందించేవి. అయితే ఇప్పుడు ఈ రెండింటితో పాటు అహ్మదాబాద్, ముంబాయ్, పూనే మరియు బెంగళూరు నగరాల్లో ఎక్స్‌క్లూజివ్‌గా విక్రయించనున్నారు.

ప్రస్తుతం బిఎమ్‌డబ్ల్యూ ప్రొడక్ట్ లైనప్‌లో ఆర్ 1200 జిఎస్, ఆర్ 1200 జిఎస్ఎ, ఎస్ 1000 ఆర్ఆర్, ఎస్ 1000 ఆర్, ఆర్ 1200 ఆర్, ఆర్ నైన్ టి, ఆర్ నైన్ టి స్క్రాంబ్లర్, ఆర్ 1200 ఆర్ఎస్, ఎస్ 1000ఎక్స్ఆర్, ఆర్ 1200 ఆర్‌టి మరియు తె 1600 జిటిఎల్ ఉత్పత్తులు ఉన్నాయి.

బిఎమ్‌డబ్ల్యూ మోటోర్రాడ్ ఇండియాలో ఓ బృందాన్ని ఏర్పాటు చేసి విక్రయ కేంద్రాలను విస్తరించే దిశగా పనిచేస్తోంది. శివపాడ రాయ్ బిఎమ్‌డబ్ల్యూ మోటోర్రాడ్ ఇండియా హెడ్‌గా నియమితులయ్యారు.

బిఎమ్‌డబ్ల్యూ మోటోర్రాడ్ ఆసియా, చైనా, పసిఫిక్ మరియు సౌత్ ఆఫ్రికా రీజియన్‌ల హెడ్ డిమిట్రిస్ రాప్టిస్ మాట్లాడుతూ, ఇండియన్ మార్కెట్లో ఖరీదైన మోటార్ సైకిళ్ల మార్కెట్‌కు మంచి అవకాశాలు ఉన్నాయి మరియు దేశీయంగా బిఎమ్‌డబ్ల్యూ మోటోర్రాడ్ ఉత్పత్తులకు మంచి డిమాండ్ ఉన్న తరుణంలో బిఎమ్‌డబ్ల్యూ గ్రూప్ తమ ద్విచక్ర వాహనాల విభాగాన్ని పరిచయం చేసినందుకు సంతోషంగా ఉన్నట్లు తెలిపాడు.

బిఎమ్‌డబ్ల్యూ మోటోర్రాడ్ టీవీఎస్ మోటార్స్ భాగస్వామ్యంతో అభివృద్ది చేసిన జి310ఆర్ మోటార్ సైకిల్ బిఎమ్‌డబ్ల్యూ మోటోర్రాడ్ తమ తొలి ఉత్పత్తిగా విడుదల చేయనుంది. టీవీఎస్ దేశీయంగా ఉత్పత్తి చేసే జి310 ఆర్ ప్రపంచ వ్యాప్తంగా అందుబాటులోకి రానుంది.