బిఎస్-IV 2017 హోండా లివో విడుదల: ధర, ఇంజన్, మైలేజ్ మరియు ఇతర వివరాలు

నూతనంగా విడుదల చేసిన హోండా లివో బిఎస్-IV డ్రమ్ బ్రేక్ వేరియంట్ ధర రూ. 54,331 లు మరియు డిస్క్ బ్రేక్ వేరియంట్ లివో ధర రూ. 56,834 లు, రెండు ధరలు ఎక్స్-షోరూమ్ ఢిల్లీగా ఉన్నాయి.

సరికొత్త 2017 హోండా లివో బైకులో తక్కువ రెసిస్టెన్స్ ఉన్న హెచ్ఇటి టైర్లు, నిస్సాన్ కాలిపర్ గల ఆప్షనల్ ఫ్రంట్ డిస్క్ బ్రేకు మరియు మెయింటెనెన్స్ రహిత బ్యాటరీ కలవు.

2017 లివో లో ముందు వైపున టెలిస్కోపిక్ ఫ్రంట్ ఫోర్క్స్ మరియు వెనుక వైపున ఐదు దశలలో అడ్జెస్ట్ చేసుకునే సౌలభ్యం ఉన్న డ్యూయల్ రియర్ షాక్ అబ్జార్వర్లు కలవు.

సాంకేతికంగా 2017 లివో బైకులో 109.19సీసీ సామర్థ్యం గల గాలితో చల్లబడే సింగల్ సిలిండర్ ఎయిర్ కూల్డ్ ఇంజన్ కలదు.

ఈ ఇంజన్‌కు అనుసంధానం చేసిన 4-స్పీడ్ మ్యాన్యువల్ ట్రాన్స్‌మిషన్ గేర్‌బాక్స్ ద్వారా ఇంజన్ ఉత్పత్తి చేసే 8.31బిహెచ్‌పి పవర్ మరియు 9.09ఎన్ఎమ్ గరిష్ట టార్క్ వెనుక చక్రానికి సరఫరా అవుతుంది.

మీరు 2017 బిఎస్-IV అప్‌గ్రేడెజ్ లివో బైకును ఆరు విభిన్నమైన రంగుల్లో ఎంచుకోవచ్చు.అవి, సన్‌సెట్ బ్రౌన్ మెటాలిక్, అథ్లెటిక్ బ్లూ మెటాలిక్, బ్లాక్, పర్ల్ అమేజింగ్ వైట్, ఇంపీరియల్ రెడ్ మెటాలిక్ మరియు మట్టీ యాక్సిస్ గ్రే మెటాలిక్.

2017 లివోలో ముందు మరియు వెనుక వైపున 130ఎమ్ఎమ్ చుట్టుకొలత గల డ్రమ్ బ్రేకులు కలవు, మరియు ఆప్షనల్ డిస్క్ బ్రేక్ వేరియంట్లో 240ఎమ్ఎమ్ ఫ్రంట్ డిస్క్ బ్రేక్ కలదు. లివో మొత్తం బరువు 111 కిలోలుగా ఉంది.