స్టాండ్ మరియు హ్యాండ్లింగ్ అవసరం లేని సెల్ఫ్ బ్యాలెన్సింగ్ బైక్

జపాన్ ఆధారిత ప్రముఖ ద్విచక్ర వాహనాల తయారీ సంస్థ హోండా లాస్ వెగాస్ లోని ఎలక్ట్రిక్ సాంకేతికత ప్రదర్శన వేదిక మీద తమ సెల్ఫ్ బ్యాలెన్సింగ్ బైకును ప్రదర్శించింది. ఇది ఎలాంటి స్టాండ్ అవసరం లేకుండా స్వతహాగా, తనంతటతానుగా నిలబడుతుంది.

ఇలా నిలబడితే పడిపోదా... ? ప్రశ్న మీ మదిలో ఇప్పటికే మెదిలి ఉంటుంది. అయితే ఇది క్రింద పడిపోవడానికి చెక్ పెట్టేందుకు సెల్ఫ్ బ్యాలెన్సింగ్ అనే సరికొత్త పరిజ్ఞాన్ని ఇందులో పరిచయం చేసింది. బైకు ఏ వైపుకైతే వాలిపోతుందో దానికి వ్యతిరేక దిశలో బరువులను ఉంచి బ్యాలెన్సింగ్ చేస్తుంది.

ఇందుకోసం బైకు ముందు బాగంలో హెడ్ లైట్ వద్ద ఈ పరికరాన్ని హోండా అమర్చింది. బైకు కోసం అదనంగా అందించే తరహాలో ఉండటం ద్వారా ఇతర బైకుల్లో ఈ పరిజ్ఞానాన్ని వినియోగించుకునే అవకాశం ఉంది.

నిజానికి ఈ పరిజ్ఞానాన్ని హోండా రోబోటిక్ డివిజన్ ప్రిన్సిపుల్స్ నుండి సేకరించింది. ప్రదర్శన సమయంలో ఈ అవిష్కరణకు సందర్శకుల నుండి మంచి స్పందన లభించింది.

ఈ పరిజ్ఞానం ద్వారా భారీ బరువున్న బైకులను మీరున్న చోటు నుండి పార్కింగ్ ఏరియాకు, పార్కింగ్ ఏరియా నుండి మీ వద్దకు ఎవరి సహాయం లేకుండా వస్తుంది. ఇలాంటి వాటి కోసం ఇంజన్ కూడా ఆన్ చేయాల్సిన పనిలేదు.

స్టాండ్ మరియు హ్యాండ్లింగ్ అవసరం లేని సెల్ఫ్ బ్యాలెన్స్ బైక్ పనితీరు ఎలా ఉందో తెలుసుకోవాలంటే ఈ వీడియోని చూడండి మరి...