దక్షిణాదిలో రెండు బైకులను విడుదల చేసిన ఇండియన్ మోటార్‌సైకిల్

ఇండియన్ మోటార్‌సైకిల్ దక్షిణ భారత దేశంలోకి బెంగళూరు వేదికగా రెండు మోటార్ సైకిళ్లను విడుదల చేసింది. వీటి ప్రారంభ ధర రూ. 21.55 లక్షలు ఎక్స్ షోరూమ్ (బెంగళూరు)గా ఉన్నట్లు సంస్థ ప్రకటించింది.

By Anil

Published: Saturday, January 21, 2017, 11:09 [IST]

అమెరికాకు చెందిన దిగ్గజ మోటార్ సైకిళ్ల తయారీ సంస్థ ఇండియా విభాగం, ఇండియన్ మోటార్‌సైకిల్ దక్షిణ భారత దేశంలోకి స్ప్రింగ్‌ఫీల్డ్ మరియు ఛీఫ్‌టెయిన్ డార్క్ హార్స్ అనే రెండు విలాసవంతమైన బైకులను విడుదల చేసింది. వీటి ధరలు వరుసగా రూ. 31.55 లక్షలు మరియు 33.07 లక్షలు ఎక్స్ షోరూమ్ (బెంగళూరు)గా ఉన్నాయి.

దక్షిణాదిలో విడుదలైన ఇండియన్ మోటార్‌సైకిల్ బైకులు

ఇండియన్ మోటార్‌సైకిల్ సంస్థ మొదటి సారిగా ప్రారంభించిన ప్రదేశం ఆధారంగా స్ప్రింగ్‌ఫీల్డ్ పేరును సేకరించారు. క్లాసిక్ డిజైన్‌ను కొనసాగిస్తూనే అత్యాధునిక ఫీచర్లను ఇందులో ప్రవేశపెట్టింది.

ఇండియన్ చీఫ్‌టెయిన్ డార్క్ హార్స్ ఎక్ట్సీరియర్‌ను మట్టీ బ్లాక్ కలర్‌లో ఫినిషింగ్ చేశారు. ప్రధాన బాగాలలో క్రోమ్ పరికరాలతో సొబగులద్దారు.

సాంకేతిక వివరాల పరంగా చూస్తే స్ప్రింగ్‌ఫీల్డ్ మరియు ఛీఫ్‌టెయిన్ డార్క్ హార్స్ రెండు బైకుల్లో కూడా 1811సీసీ సామర్థ్యం గల వి-ట్విన్, థండర్ స్ట్రోక్ 111 ఇంజన్ కలదు. దీనికి 6-స్పీడ్ మ్యాన్యువల్ ట్రాన్స్‌మిషన్ గల గేర్‌బాక్స్ అనుసంధానం చేయడం జరిగింది.