ఆంధ్రాలో పరీక్షలకొచ్చిన నెక్ట్స్ జనరేషన్ టీవీఎస్ అపాచే

సరికొత్త అపాచే ఆర్‌టిఆర్ 160 బైకును టీవీఎస్ బృందం విశాఖపట్టణంలో రహస్యంగా పరీక్షించగా ఓ ఆటోమొబైల్ మీడియా కంటబడింది. అయితే ఈ సారి, ఈ 160సీసీ ఇంజన్ గల అపాచే ఆర్‌టిఆర్ 200 4వి బ్యాడ్జి గల బాడీ ప్యానల్స్‌లో ఉంది

సరికొత్త అపాచే ఆర్‌టిఆర్‌లో సింగల్ పీస్ హ్యాండిల్ బార్, రెగ్యులర్ అల్లాయ్ వీల్స్, సింగల్ పీస్ సీట్ మందంగా ఉన్న వెనుక టైరు, అదే విధంగా అపాచే ఆర్‌టిఆర్ 180 మరియు ఆర్‌టిఆర్ 200 4వి మోడళ్లలో ఉన్న వైట్ రిమ్ స్ట్రిప్స్ ఇందులో ఉన్నాయి.

Recommended Video

TVS Jupiter Classic Launched In India | In Telugu - DriveSpark తెలుగు

ఆపాచే ఆర్‌టిఆర్ 200 4వి డిజైన్ లక్షణాలతో అపాచే ఆర్‌టిఆర్ 160 బైకును టీవీఎస్ అభివృద్ది చేసింది. స్వల్పంగా ఉన్న బాడీ డీకాల్స్, ఫ్యూయల్ ట్యాంక్, డబుల్ బ్యారెల్ ఎగ్జాస్ట్, ఎల్ఇడి టెయిల్ ల్యాంప్ మరియు టర్న్ ఇండికేటర్లు వంటివి అచ్చం 200సీసీ బైకులో ఉన్నవాటినే పోలి ఉన్నాయి.

టీవీఎస్ తొలిసారి తమ ఆపాచే ఆర్‌టిఆర్ 160 బైకులో వెనుక వైపున మోనోషాక్ సస్పెన్షన్ సిస్టమ్ అందించింది. బ్రేక్ డ్యూటీ కోసం ముందు వైపున సింగల్ డిస్క్ మరియు వెనుక వైపున డ్రమ్ బ్రేకులు ఉన్నాయి.

సాంకేతికంగా టీవీఎస్ ఆపాచే ఆర్‌టిఆర్ 160 బైకు అదే మునుపటి 160సీసీ సామర్థ్యం గల సింగల్ సిలిండర్ ఇంజన్‌తో రానుంది. 5-స్పీడ్ గేర్‌బాక్స్ అనుసంధానం గల ఈ ఇంజన్ 15.2బిహెచ్‌పి పవర్ మరియు 13.1ఎన్ఎమ్ టార్క్ ఉత్పత్తి చేస్తుంది.

డ్రైవ్‌స్పార్క్ తెలుగు అభిప్రాయం!

టీవీఎస్ తమ తరువాత తరం అప్‌డేటెడ్ అపాచే ఆర్‌టిఆర్ 160 బైకును లాంచ్ చేయడానికి సిద్దంగా ఉంది. ఆపాచే ఆర్‌టిఆర్ 180 కూడా ఇదే శైలిలో విడుదలవ్వనుంది. సరికొత్త అపాచే ఆర్‌టిఆర్ 160 విపణిలో ఉన్న పల్సర్ ఎన్ఎస్160, సుజుకి జిక్సర్, యమహా ఎఫ్‌జడ్ వి2.0 మరియు హోండా సిబి హార్నెట్ 160ఆర్ లతో గట్టి పోటీని ఎదుర్కోనుంది.