సరికొత్త రూపంలో ఆపాచే ఆర్‌టిఆర్160: రహస్యంగా పరీక్షిస్తున్న టీవీఎస్

ఫ్రంట్ డిజైన్ పరంగా టీవీఎస్ లైనప్‌లో ఉన్న శక్తివంతమైన వేరియంట్ అపాచే ఆర్‌టిఆర్200 డిజైన్ లక్షణాలతో రానుంది. సరికొత్త అపాచే ఆర్‌టిఆర్ 160 మోనో షాక్ అబ్జార్వర్, ఎల్ఇడి టెయిల్ ల్యాంప్స్ మరియు డిజిటల్ ఇంస్ట్రుమెంట్ క్లస్టర్ వంటి ఫీచర్లతో రానుంది.

అపాచే ఆర్‌టిఆర్ 200 తరహా రెండు డిస్క్ బ్రేకులతో కాకుండా, న్యూ జనరేషన్ అపాచే ఆర్‌టిఆర్160 లో ముందు వైపున డిస్క్ బ్రేకు మరియు వెనుక వైపున డ్రమ్ బ్రేకు రానుంది. అదే విధంగా మునుపటి వేరియంట్‌తో పోల్చితే విభిన్నంగా ఉండేందుకు సిల్వర్ ఫినిషింగ్‌లో ఉన్న ప్యానల్స్ ఉన్నాయి.

ప్రస్తుతం పోటీగా ఉన్న మోటార్ సైకిళ్లను ఎదుర్కునేందుకు అత్యుత్తమ పవర్ మరియు టార్క్ ఉత్పత్తి చేయగల సరికొత్త 160సీసీ సామర్థ్యం ఉన్న పెట్రోల్ ఇంజన్‌తో రానుంది. తాజా సమాచారం మేరకు, 2018 ప్రారంభం నాటికి విడుదలయ్యే అవకాశం ఉంది.