తిరుగులేని సక్సెస్‌తో దూసుకెళుతున్న టీవీఎస్

2016 ఆగష్టులో 2,74,303 యూనిట్లను విక్రయించిన టీవీఎస్ ఈ ఏడాది ఆగష్టులో 3,17,563 యూనిట్లను విక్రయించి 16 శాతం వృద్దిని నమోదు చేసుకుంది. టీవీఎస్ ద్విచక్ర వాహన విభాగం ఆగష్టు 2017 లో 3,09,146 టూ వీలర్లను విక్రయించి 15.5 శాతం వృద్దని సాధించింది.

Recommended Video

TVS Jupiter Classic Launched In India | In Telugu - DriveSpark తెలుగు

ఎగుమతులను మినహాయించి, దేశీయ విక్రయాలు చూసుకుంటే గత ఏడాది ఇదే నెలలో 2,38,984 యూనిట్లను విక్రయించిన టీవీఎస్ ఈ ఏడాది 2,70,544 యూనిట్లను విక్రయించి13.2 శాతం వృద్ది నమోదైంది.

టీవీఎస్‌కు స్కూటర్ల సెగ్మెంట్ నుండి మంచి ఫలితాలు సాధ్యమయ్యాయి. ఆగష్టు నెల విక్రయాల్లో స్కూటర్ల సేల్స్ కీలకమయ్యాయి. 2016 ఆగష్టులో 76,572 టీవీఎస్ స్కూటర్లు అమ్ముడవ్వగా, ఆగష్టు 2017 లో ఏకంగా 1,14,354 అమ్ముడుపోయి 49.3 శాతం వృద్ది నమోదయ్యింది.

మోటార్ సైకిల్ సెగ్మెంట్లో టీవీఎస్ 1,11,927 యూనిట్లను విక్రయించింది. గత ఏడాదితో పోల్చుకుంటే టీవీఎస్ బైకుల విక్రయాలు కూడా విపరీతంగా పెరిగాయి. దేశీయ విక్రయాలకు తోడు ఎగుమతులు కూడా బాగా పుంజుకున్నాయి.

టీవీఎస్ గత ఏడాది ఆగష్టులో 34,097 యూనిట్లను ఎగుమతి చేయగా, ఈ ఏడాది ఆగష్టులో 33.7 శాతం వృద్దిని నమోదు చేసుకుని 45,604 యూనిట్లను ఎగుమతి చేసింది. కేవలం టూ వీలర్లు మాత్రమే 38,602 యూనిట్లుగా ఉన్నట్లు టీవీఎస్ పేర్కొంది.

టీవీఎస్ త్రీ-వీలర్ సెగ్మెంట్ కూడా మెరుగైన ఫలితాలను సాధించింది. 2016 ఆగష్టులో 6,663 యూనిట్ల త్రీ వీలర్లను విక్రయించిన టీవీఎస్, 2017 ఆగష్టులో 8,417 యూనిట్లను విక్రయించింది.

డ్రైవ్‌స్పార్క్ తెలుగు అభిప్రాయం!

టీవీఎస్ మోటార్ సైకిల్స్ వృద్దిలో టీవీఎస్ స్కూటర్ల విక్రయాల వాటా బాగా కలిసొచ్చింది. ప్రస్తుతం పండుగ సీజన్ ప్రారంభమైంది కాబట్టి ఈ ఏడాదిలో మిగిలిన నాలుగు నెలలు మంచి ఫలితాలను సాధించిపెట్టనున్నాయి.