మార్కెట్ నుండి పల్సర్ ఎల్ఎస్ 135 బైకును తొలగించిన బజాజ్

బజాజ్ తమ వెబ్‌సైట్ నుండి ఎల్ఎస్135 బైకును తొలగించి ఈ ఆధారం లేని వార్తను నిజం చేసింది. అంతే కాకుండా, బజాజ్ ఈ చిన్న పల్సర్ బైకును యథావిధిగా ఉత్పత్తి చేస్తుంది, అయితే ఇండియన్ మార్కెట్లో లభించదు కేవలం విదేశీ మార్కెట్ కోసం తయారు చేస్తున్నట్లు తెలిసింది.

ఇండియన్ మార్కెట్లో 4-వాల్వ్ టెక్నాలజీతో వచ్చిన మొదటి బైకు బజాజ్ పల్సర్ ఎల్ఎస్135. ఇందులో 4-వాల్వ్ టెక్నాలజీ అందివ్వడంతో 150సీసీ మోటార్ సైకిల్‌కి సమానమైన పవర్ మరియు టార్క్ అదే విధంగా 125సీసీ బైకు కంటే మెరుగైన మైలేజ్ ఇవ్వగలిగింది.

స్టైలింగ్ విషయానికి వస్తే, పోటీదారులను పోల్చుకుంటే మోటార్ సైకిల్ అత్యంత పదునైన మరియు అగ్రెసివ్ డిజైన్‌ను కలిగి ఉంటుంది. లైట్ స్పోర్ట్ పర్ఫామెన్స్‌కు బ్రాండెడ్‌గా ఎల్ఎస్135 నిలిచింది.

బజాజ్ ఆటో 2017లో అప్‌డేట్ చేసిన పల్సర్ 135 బైక్‌కు కమ్యూటర్ మోటార్ సైకిల్ లుక్ తీసుకొచ్చింది. సాంకేతికంగా ఇందులో ఉన్న 135సీసీ కెపాసిటి గల సింగల్ సిలిండర్ పెట్రోల్ ఇంజన్ 13బిహెచ్‍‌పి పవర్ మరియు 11ఎన్ఎమ్ టార్క్ ప్రొడ్యూస్ చేస్తుంది. దీనికి 5-స్పీడ్ గేర్‌బాక్స్ అనుసంధానం కలదు.

Recommended Video

హోండా ఎక్స్-బ్లేడ్ 160సీసీ బైక్ రివీల్ | Honda X-Blade - Details & Full Specifications - DriveSpark

ప్రస్తుతం ఇండియన్ మార్కెట్లో స్పోర్టివ్ 125సీసీ బైకులకు గిరాకీ ఎక్కువగా ఉంది. బహుశా దీని వల్లనే కాబోలు తమ 135సీసీ స్పోర్టివ్ బైకును మార్కెట్ నుండి తొలగించింది. ప్రారంభంలో పల్సర్ ఎల్ఎస్135 మంచి సేల్స్ సాధించినప్పటికీ తరువాత మెల్లమెల్లగా దీని సేల్స్ తగ్గిపోయాయి.

పల్సర్ ఎల్ఎస్135 బైకును తొలగించడంతో, బజాజ్ లైనప్‌లో డిస్కవర్ 125 మరియు వి125 బైకులు మాత్రమే 125సీసీ సెగ్మెంట్లో ఉన్నాయి. బజాజ్ తమ పల్సర్ ఎల్ఎస్ 135 బైకును నూతన ప్రభుత్వ ప్రమాణాలకు అనుగుణంగా ఏబిఎస్ ఫీచర్‌తో మళ్లీ రీలాంచ్ చేసే అవకాశం కూడా ఉంది.

డ్రైవ్‌స్పార్క్ తెలుగు అభిప్రాయం!

బజాజ్ ఆటో టూ వీలర్ల శ్రేణిలో 150సీసీ బైకుల తరహా అద్భుతమైన పవర్ మరియు 125సీసీ బైకుల తరహా గొప్ప మైలేజ్ అందించే ఏకైక ఎంట్రీ లెవల్ స్పోర్టివ్ మోటార్ సైకిల్ పల్సర్ ఎల్ఎస్135. విపణిలో ఉన్న పోటీని ఎదుర్కునేందుకు బజాజ్ ఖచ్చితంగా ఎల్ఎస్135 బైకును భారీ మార్పులు చేర్పులతో విడుతదల చేసే అవకాశం ఉంది.